‘બેંકનો મેનેજર બોલું છું,’ ગરીબ ખેડૂતની મહેનતની કમાણીના 2 લાખ ખાતામાંથી ઉપડી ગયા’

બનાસકાંઠા જિલ્લાના ડીસા તાલુકાના લોરવાડા ગામના જેન્તીભાઈ નાગરભાઈ પરમાર નામના ખેડૂત ડીસા શહેર ની યુનિયન બેન્ક ઓફ ઇન્ડિયામાં ખાતું ધરાવે છે. તેઓએ તાજેતરમાં જ પોતાની લોન રીન્યુ કરવા બેંકના ખાતામાં બે લાખ રૂપિયા ઉપરાંતની રકમ જમા કરાવી હતી. ત્યારે ગત તા.17 ઓક્ટોબર તેઓને બેંક અધિકારીને નામે અજાણ્યા શખ્સોએ ફોન કરી તમારું ખાતું બંધ થઈ જશે તેમ કહી એટીએમ નો પીન નંબર અને નેટવર્કિંગ નંબર માગતા તેઓએ ભોળાભાવે આપ્યો હતો.

ત્યારબાદ તેઓ 23 ઓક્ટોબરે બેંકમાં લોન ખાતા બાબતે તપાસ કરવા ગયા ત્યારે ખબર પડી કે તેઓના ખાતામાંથી 17 ઓક્ટોબરથી 22 ઓક્ટોબર સુધીમાં બે લાખ રૂપિયા ગયા છે.

ખેડૂત, જયંતીભાઈ પરમારે જણાવ્યું કે, મને યુનિયન બેન્કના મેનેજરનું જણાવી ફોન આવ્યો હતો. મારો પીન નંબર જાણી અજાણ્યા લોકોએ મારા ખાતામાથી 2 લાખ ઉપાડી છેતરપિંડી આચરી છે.