નજીવી બાબતે ખેલાયો ખૂની ખેલ- માત્ર 6 ઇંચ જમીન માટે પોલીસ કોન્સ્ટેબલની હત્યા, કોલ કરવા છતાં ન આવી પોલીસ

Police constable killed for 6 inches of land in Bihar: મુઝફ્ફરપુરમાં બિહાર પોલીસ કોન્સ્ટેબલને પાડોશી સાથે 6 ઇંચ જમીનના વિવાદમાં માર મારવામાં આવ્યો હતો. ત્રણ દિવસથી પીડિત પરિવાર જમીન વિવાદ અંગે સ્થાનિક પોલીસ સ્ટેશનને જાણ કરી રહ્યો હતો. આમ છતાં પોલીસ બેદરકારી દાખવી રહી હતી. હવે આ બાબતે ગ્રામજનોમાં રોષ જોવા મળી રહ્યો છે.

આ કિસ્સો જિલ્લાના કાંતિ પોલીસ સ્ટેશન વિસ્તારનો છે. યદુ છપરા ગામના રહેવાસી દિપેન્દ્ર કુમાર સિંહ (53) બિહાર સ્પેશિયલ આર્મ્ડ પોલીસ (BSAP)માં કોન્સ્ટેબલ તરીકે કામ કરે છે. તે પટનામાં પોસ્ટેડ હતો અને હાલ રજા લઈને પોતાના ગામ આવ્યો હતો. જ્યાં તેનો પાડોશી સાથે 6 ઈંચ જમીન માટે વિવાદ ચાલી રહ્યો હતો.

જણાવવામાં આવી રહ્યું છે કે, BMP જવાન દીપેન્દ્ર કુમાર સિંહ છેલ્લા 3 દિવસથી સતત પોલીસને ફોન કરીને મામલાની જાણકારી આપી રહ્યા હતા. પરંતુ પોલીસે કોઈ કડક કાર્યવાહી કરી ન હતી. પોલીસની આ બેદરકારીના કારણે તેને માર મારવામાં આવ્યો હતો. ઘટના બાદ ગુસ્સે ભરાયેલા સંબંધીઓ અને ગ્રામજનોએ NH-27ને બ્લોક કરી દીધો અને આરોપીઓની ધરપકડની માંગણી શરૂ કરી.

ઘટનાની માહિતી મળતાં જ ડીએસપી પશ્ચિમ અભિષેક આનંદ અને કાંતિ પોલીસ સ્ટેશનના વડા સંજય કુમાર ફોર્સ સાથે ઘટનાસ્થળે પહોંચી ગયા હતા. રોષે ભરાયેલા પરિવારજનો અને ગ્રામજનોને સમજાવીને શાંત પાડ્યા હતા. આ પછી મૃતદેહને પોસ્ટમોર્ટમ માટે SKMCH મોકલવામાં આવ્યો હતો.