ખાટુશ્યામજીના દર્શન કરીને પરત ફરી રહેલા મિત્રોને નડ્યો ભયંકર અકસ્માત- તડપી તડપીને મોતને ભેટ્યા બે યુવકો

Two youths died in an accident in Rajasthan: અવાર-નવાર અકસ્માતની ઘટનાઓ સદમે આવતી રહે છે ત્યારે હાલમાં પણ આવી જ એક ઘટના સામે અવી છે. રાજસ્થાનમાં એક બોલેરો રસ્તા પર બેકાબુ થઈને ઝાડ સાથે અથડાઈ જેમાં બે યુવકોના મોત થયા અને ચારને ઈજા થઈ છે. અકસ્માત એટલો ભયાનક હતો કે વાહનનો ભૂક્કો થઈ ગયો હતો. આ અકસ્માત રવિવારે બપોરે 2 વાગ્યે સાકર જિલ્લાના લોસલ વિસ્તારમાં થયો હતો. કારમાં સવાર તમામ લોકો અજમેરના રહેવાસી છે અને ખાટુશ્યામજીના દર્શન કરીને પરત ફરી રહ્યા હતા.

મળેલી માહિતી અનુસાર, બધા મિત્રો છે. હાલ મૃતદેહોને લોસલ હોસ્પિટલના શબઘરમાં રાખવામાં આવ્યા છે, જયારે ઘાયલોને સીકરની એસકે હોસ્પિટલમાં રીફર કરવામાં આવ્યા છે. ઘટના અંગે પરિવારજનોને જાણ કરવામાં આવી છે અને આ અંગે લોસલ પોલીસ તપાસ કરી રહી છે.

લોસલ પોલીસ સ્ટેશનના અધિકારી પુષ્પેન્દ્ર સિંહના જણાવ્યા અનુસાર અકસ્માત મંગરાસી ગામ બસ સ્ટેન્ડથી કુચામન તરફ જતા રોડ પર થયો હતો. જ્યાં અજમેર નંબરની બોલેરો બેકાબુ થઈ ગઈ હતી અને પહેલા રોડ પરથી ઉતરીને નીચે ઉતરી ગઈ હતી અને પછી ઝાડ સાથે અથડાઈ હતી. આ ઘટનામાં રામસ્વરૂપ જાંગીડ (ઉંમર વર્ષ 35), કૈલાશ નગર (ઉંમર વર્ષ 30), જયસિંહ (ઉંમર વર્ષ 28) અજમેરના રહેવાસી, પ્રવીણ રાવત (ઉંમર વર્ષ 30), ગોપાલ ગુર્જર (ઉંમર વર્ષ 35) અને અજમેરના રહેવાસી ગોવિંદ વાલ્મીકી (ઉંમર વર્ષ 45) ઘાયલ થયા હતા.