બ્રિટનની સંસદમાં ખેડૂત આંદોલનનો મુદ્દો: વડાપ્રધાન બોરીસ જ્હોનસને આપ્યો આશ્ચર્યજનક જવાબ Trishul News

બુધવારે બ્રિટિશ સંસદમાં ખેડૂત વિરોધ પ્રદર્શનનો (Farmers Protest) મુદ્દો ઉભો થયો હતો, જ્યારે આ અંગે વડા પ્રધાન બોરીસ જ્હોનસનના (Boris Johnson) જવાબથી બધાને આશ્ચર્ય થયું હતું. લેબર પાર્ટીના બ્રિટીશ શીખ સાંસદ, તન્મનજીત સિંહ ધેસીએ, ભારતના ખેડુતોના વિરોધ અંગે સંસદમાં વડા પ્રધાન બોરીસ જ્હોનસનને સવાલો પૂછ્યા, જ્હોનસન મૂંઝવણમાં મુકાયો. જહોનસને કહ્યું કે ભારત અને પાકિસ્તાન વચ્ચે કોઈ પણ વિવાદ દ્વિપક્ષીય વાટાઘાટો દ્વારા ઉકેલી શકાય છે.

બોરિસ જહોનસનના પ્રતિસાદથી આશ્ચર્ય પામેલા ધેસીએ તરત જ સોશિયલ મીડિયા પર લઈ જઈને ટ્વિટર પર આશ્ચર્ય વ્યક્ત કર્યું કે, બ્રિટનના પ્રધાનમંત્રી બોરિસ જ્હોન્સને ખબર નથી કે તેઓ કયા વિષય પર જવાબ આપી રહ્યા છે. ભારતમાં ખેડુતોનો મુદ્દો ઉઠાવતા સંસદમાં પૂછ્યું કે, શું જ્હોન્સન બ્રિટનમાં વસતા શીખ સમુદાયની ચિંતાઓ વડા પ્રધાન નરેન્દ્ર મોદી (PM Narendra Modi) સુધી પહોંચાડશે. આ સવાલના જવાબમાં બ્રિટનના પ્રધાનમંત્રી બોરિસ જ્હોન્સને કહ્યું કે, ભારત અને પાકિસ્તાન વચ્ચે કોઈ પણ વિવાદ ત્યાંની સરકારો દ્વારા ઉકેલી શકાય છે.

યુકેના વિદેશ, રાષ્ટ્રમંડળ અને વિકાસ કાર્યાલયના પ્રવક્તાએ કહ્યું કે, ખેડૂતોનું આંદોલન ભારતનો આંતરિક મામલો છે. બુધવારે બ્રિટિશ સાંસદમાં પણ આ મુદ્દો ઉઠ્યો હતો. લેબર પાર્ટીના શીખ સાંસદ તનમનજીત સિંહ ઢેસીએ હાઉસ ઓફ કોમન્સમાં ભારતના ખેડૂત આંદોલન પર સવાલ કર્યા હતા, જેના પર બ્રિટિશ પ્રધાનમંત્રી બોરિસ જ્હોન્સને કોઈ પ્રત્યક્ષ પ્રતિક્રિયા આપી નહોતી.

બ્રિટનના પ્રધાનમંત્રી બોરિસ જ્હોન્સને સાંસદ ઢેસીના સવાલના જવાબમાં ભારત-પાકિસ્તાન બંનેનો ઉલ્લેખ કર્યો. તેમણે કહ્યું કે નિશ્ચિતપણે ભારત અને પાકિસ્તાન વચ્ચે જે પણ કઈ થઈ રહ્યું છે તેના વિશે અમારી ગંભીર ચિંતાઓ છે, પરંતુ આ મુદ્દો બંને દેશોનો આંતરિક મુદ્દો છે અને ત્યાંની સરકારોએ ઉકેલવાનો છે. હું જાણું છું કે તેઓ (તનમનજીત સિંહ ઢેસી) તે પોઈન્ટની સરાહના કરે છે.