જેતપુરમાં ખેલાઈ ખૂની હોળી: નજીવી બાબતે મોટાભાઈએ કરી નાનાભાઈની કરપીણ હત્યા

અવારનવાર રાજ્યમાંથી કોઈ નજીવી બાબત પર અથવા તો બોલાચાલી-ઝઘડાને લીધે લોકો એકબીજાની હત્યા કરી નાંખતા હોય છે ત્યારે હાલમાં ધૂળેટીનાં પાવન પર્વ પર રાજ્યમાંથી આવી જ એક ઘટના સામે આવી છે. રાજ્યમાં આવેલ જેતપુરમાં હોળીના દિવસે જ મોટાભાઈએ નાનાભાઈની હત્યા કરી નાંખતા માતમ છવાયો છે.

મોટાભાઈ સિકંદરે ફૂલોના હારના દોરા કાપવામાં ઉપયોગમાં લેવાતી કાતરનો નાનાભાઈ હારુનની છાતીના ભાગે ઘા મારતાં હારુનની છાતીમાંથી લોહીના ફુવારા છૂટ્યા હતા તેમજ તે જમીન પર ઢળી પડ્યો હતો. આમ, હોળીનો તહેવાર ખૂનની હોલીથી ખેલાયો છે

મોટાભાઈને હાથે થયું નાના ભાઈનું ખૂન :
ગઈકાલે હોળી પ્રગટાવવાના સમય દરમિયાન શહેરના સ્ટેન્ડ ચોક વિસ્તાર કે જ્યાં ફૂલોનું માર્કેટ આવેલું છે ત્યાં તેમના વ્યવસાય પર જ બંને ભાઈઓની વચ્ચે બોલાચાલી થતાં ફૂલોના હારના દોરા કાપવામાં ઉપયોગમાં લેવામાં આવતી કાતરથી બંને વચ્ચે થયેલ ઝપાઝપીમાં મોટાભાઈ સિકંદરથી નાનાભાઈ હારુનની છાતીના ભાગે એક ઘા લાગી જતા હારુનની છાતીના ભાગેથી લોહીનો ફૂવારો થયો હતો તેમજ થોડી જ ક્ષણોમાં મોત થયુ હતુ.

કોણ છે બે ભાઈ?
સ્ટેન્ડ ચોક વિસ્તાર વિસ્તારમાં છેલ્લા અનેક વર્ષોથી ફૂલોનો વ્યવસાય કરતા કાસમભાઈ શેખના પુત્ર સિકંદર તથા હારુનની વચ્ચે કેટલાંક સમયથી સામાન્ય બોલાચાલી થતી રહેતી હતી. આ માથાકૂટને લીધે તેમના પિતાએ નાના દીકરાને થોડો સમય બહારગામ પણ મોકલી દેવામાં આવ્યો હતો.