November 18, 2024
આજે 1 એપ્રિલ છે અને આજથી નવું નાણાકીય (Financial)વર્ષ 2022-23ની શરૂઆત થઇ ગઈ છે. જયારે નવા નાણાકીય વર્ષમાં ઘણા જૂના નિયમોને બદલવામાં આવ્યા છે. જેની સીધી અસર સામાન્ય માણસના ખિસ્સા પર પડવાની શક્યતા છે. આજથી પાન-આધાર લિંક, સેવિંગ્સ એકાઉન્ટ બેલેન્સ(Savings account balance), બેંક નિયમો(Bank rules), ટેક્સ(Tax), જીએસટી(GST), એફડી(FD) સહિતના નિયમો બદલાયા છે. અહીં અમે તમને એવા જ કેટલાક મોટા ફેરફારો વિશે જણાવવા જઈ રહ્યા છીએ જેની સીધી અસર તમારા પર પડી શકે છે.
1- પાન-આધાર લિંકિંગ:
જો તમે 31 માર્ચ, 2022 સુધીમાં તમારા PANને તમારા આધાર નંબર સાથે લિંક ન કરાવ્યું હોય, તો તમારું PAN આજથી નિષ્ક્રિય થઈ શકે છે. PAN ફરીથી સક્રિય કરવા માટે તમારી પાસેથી દંડ પણ વસૂલવામાં આવશે.
2- બેંક ખાતાના KYC:
જો તમે 31 માર્ચ સુધીમાં બેંક ખાતાની KYC પૂર્ણ નહીં કરો તો આજથી તમારું ખાતું બંધ થઈ શકે છે.
Trending News
3- PM કિસાનમાં KYC અપડેટ કરો:
31 માર્ચ સુધી PM કિસાન માટે યોગ્ય ખેડૂતોને ઓનલાઈન અથવા ઓફલાઈન તમારા KYCને વિવિધ રીતે અપડેટ કરવું જરૂરી હતું. જો તમે આ કામ હજુ સુધી નથી કર્યું તો પીએમ કિસાનના પૈસા તમારા ખાતામાં નહીં આવે. PM કિસાન વેબસાઈટ અનુસાર ‘eKYC PM કિસાન નોંધાયેલા ખેડૂતો માટે ફરજિયાત છે.
4- પીએફ એકાઉન્ટ પર ટેક્સ:
નાણા વિભાગ આજથી એટલે કે 1લી એપ્રિલથી નવા આવકવેરા કાયદા લાગુ કરવા જઈ રહ્યું છે. વાસ્તવમાં 1 એપ્રિલ, 2022 થી, વર્તમાન પીએફ ખાતાને બે ભાગમાં વહેંચી શકાય છે, જેના પર પણ ટેક્સ લાગશે. EPF ખાતામાં 2.5 લાખ રૂપિયા સુધીના કરમુક્ત યોગદાનની મર્યાદા લગાવવામાં આવી રહી છે. જો આનાથી ઉપર યોગદાન આપવામાં આવશે, તો વ્યાજની આવક પર કર લાગશે. તેમજ સરકારી કર્મચારીઓના GPFમાં કરમુક્ત યોગદાનની મર્યાદા વાર્ષિક 5 લાખ રૂપિયા છે.
5- PPF ખાતામાં મિનિમમ બેલેન્સ જાળવવું:
જો તમે તમારા નામ પર, તમારા બાળકો અથવા જીવનસાથીના નામે PPF ખાતું ખોલાવ્યું છે, તો તમારે દર વર્ષે તમારા ખાતામાં ઓછામાં ઓછા 500 રૂપિયા જમા કરાવવા પડશે. આવી પરીસ્થિતિમાં, જો તમે નાણાકીય વર્ષ 2021-22માં પૈસા જમા કરાવ્યા નથી, તો તમારું ખાતું નિષ્ક્રિય થઈ શકે છે.
6- પોસ્ટ ઓફિસના નિયમો:
આજથી પોસ્ટ ઓફિસની નાની બચત યોજનાઓમાં રોકાણ કરનારાઓ માટે જરૂરી ફેરફાર થવા જઈ રહ્યા છે. 1 એપ્રિલ 2022થી પોસ્ટ ઓફિસ માસિક આવક યોજના, વરિષ્ઠ નાગરિક બચત યોજના અને ટર્મ ડિપોઝિટ ગણતરીઓ પરના વ્યાજના નાણાં ફક્ત બચત ખાતામાં જ જમા થશે. તમે પોસ્ટ ઓફિસમાં જઈને વ્યાજના પૈસા રોકડમાં નહીં લઈ શકો. બચત ખાતાને લિંક કરવા પર, વ્યાજના નાણાં ઇલેક્ટ્રોનિક રીતે ટ્રાન્સફર થઇ જશે.
7- એક્સિસ બેંક અને પીએનબીના નિયમોમાં ફેરફાર:
આજથી એક્સિસ બેંકના સેલેરી અથવા સેવિંગ એકાઉન્ટ પર નિયમો બદલાઈ ગયા છે. બેંકે બચત ખાતામાં લઘુત્તમ બેલેન્સની મર્યાદા 10,000 રૂપિયાથી વધારીને 12,000 રૂપિયા કરી દીધી છે. પંજાબ નેશનલ બેંકે 1 એપ્રિલે PPS લાગુ કરી છે. 4 એપ્રિલથી 10 લાખ રૂપિયા અને તેનાથી વધુના ચેક માટે વેરિફિકેશન ફરજિયાત કરવાનું રહેશે.
8- મ્યુચ્યુઅલ ફંડમાં રોકાણ કરવાના નિયમો:
આજથી તમે ચેક, બેંક ડ્રાફ્ટ અથવા અન્ય કોઈ ભૌતિક માધ્યમ દ્વારા મ્યુચ્યુઅલ ફંડમાં રોકાણ માટે ચૂકવણી કરી શકશો નહીં. 1 એપ્રિલ 2022થી મ્યુચ્યુઅલ ફંડમાં રોકાણ કરવા માટે, તમારે ફક્ત UPI અથવા નેટબેંકિંગ દ્વારા જ ચુકવણી કરવી પડશે.
9- GST ના સરળ નિયમો:
સેન્ટ્રલ બોર્ડ ઓફ ઇનડાયરેક્ટ ટેક્સિસ એન્ડ કસ્ટમ્સ (CBIC) એ ગુડ્સ એન્ડ સર્વિસ ટેક્સ (GST) હેઠળ ઇ-ઇનવોઇસ ઇશ્યૂ કરવા માટેની ટર્નઓવર મર્યાદા રૂ. 50 કરોડની અગાઉની નિયત મર્યાદાથી ઘટાડીને રૂ. 20 કરોડ કરી છે. આ નિયમ પણ આજથી લાગુ થઈ ગયો છે.
10- ઘર ખરીદનારાઓને આંચકો:
કેન્દ્ર સરકાર 1 એપ્રિલ, 2022થી પહેલીવાર ઘર ખરીદનારાઓને કલમ 80EEA હેઠળ ટેક્સ છૂટનો લાભ આપવાનું બંધ કરવા જઈ રહી છે. જણાવી દઈએ કે 2019-20ના બજેટમાં કેન્દ્ર સરકારે 45 લાખ રૂપિયા સુધીનું મકાન ખરીદનારાઓને હોમ લોન પર વધારાના ₹1.50 લાખ આવકવેરાના લાભની જાહેરાત કરી હતી. પરંતુ આ વખતે 1 ફેબ્રુઆરી, 2022 ના રોજ, નાણામંત્રી નિર્મલા સીતારમણે આ નવી સુવિધાને આગળ વધારી ન હતી. આવા ઘર ખરીદનારાઓએ આગામી નાણાકીય વર્ષ 2022-23થી વધુ ટેક્સ ચૂકવવો પડી શકે છે.
11- વરિષ્ઠ નાગરિકો માટે ખાસ FD બંધ:
કોવિડ -19 રોગચાળા દરમિયાન, ઘણી બેંકોએ વરિષ્ઠ નાગરિકો માટે વિશેષ FD યોજના રજૂ કરી હતી. આ યોજના હેઠળ વરિષ્ઠ નાગરિકોને FD પર વધુ લાભ મળી રહ્યો છે. જોકે, હવે કેટલીક બેંકો આ સ્કીમ બંધ કરી શકે છે.
12- દવાઓના ભાવ વધી શકે છે:
સમાચાર મુજબ તાવ, ઈન્ફેક્શન, હૃદય રોગ, હાઈ બ્લડ પ્રેશર, ત્વચાના રોગો અને એનિમિયાની સારવારમાં વપરાતી દવાઓ આજથી મોંઘી થઈ શકે છે.
13- ક્રિપ્ટોકરન્સી પર નવો નિયમ લાગુ થશે:
ક્રિપ્ટોકરન્સી પરના ટેક્સ નિયમો આજથી બદલાવા જઈ રહ્યા છે. બજેટમાં નાણામંત્રીએ કહ્યું હતું કે, તમામ વર્ચ્યુઅલ ડિજિટલ એસેટ્સ (VDA) અથવા ક્રિપ્ટો એસેટ્સ પર 30 ટકા ટેક્સ લાગશે, જો તેમને વેચવા પર નફો થાય છે. આ ઉપરાંત, જ્યારે પણ ક્રિપ્ટો એસેટ વેચવામાં આવે છે, તો તેના વેચાણ પર 1% TDS કાપવામાં આવે છે.
14- વાહનો થવા જઈ રહ્યા છે મોંઘા:
કેટલીક ઓટો કંપનીઓએ 1 એપ્રિલ એટલે કે આજથી તેમના વાહનોની કિંમતમાં વધારો કરવાની જાહેરાત કરી છે. ટાટા મોટર્સે કહ્યું છે કે, તે 1 એપ્રિલથી તેના કોમર્શિયલ વાહનોના ભાવમાં 2 થી 2.5 ટકાનો વધારો કરશે. મર્સિડીઝ બેન્ઝ ઈન્ડિયાએ પણ કહ્યું છે કે તે 1 એપ્રિલથી તેના વાહનોની કિંમતમાં ત્રણ ટકા સુધીનો વધારો કરશે. ટોયોટા 1 એપ્રિલ, 2022થી તેના વાહનોની કિંમતમાં 4 ટકા સુધીનો વધારો કરશે. BMW કિંમતોમાં 3.5 ટકાનો વધારો કરશે.
15- કેટલીક વસ્તુઓ સસ્તી હોય છે તો કેટલીક મોંઘી હોય છે:
2022ના બજેટમાં કસ્ટમ ડ્યૂટી, અનેક વસ્તુઓ પર આયાત ડ્યૂટી સહિત તમામ ડ્યૂટી વધારવા અને ઘટાડવાની જાહેરાત કરવામાં આવી હતી. આ હિસાબે આજથી કેટલીક વસ્તુઓ મોંઘી થઈ શકે છે અને કેટલીક વસ્તુઓના ભાવ ઘટી શકે છે. ચામડું, કાપડ, કૃષિ સામાન, પેકેજિંગ કેન, મોબાઈલ ફોન ચાર્જર અને જેમ્સ અને જ્વેલરી, મેન્થા ઓઈલ, ફ્રોઝન મુસેલ્સ, ફ્રોઝન સ્ક્વિડ, હિંગ, કોકો બીન્સ, મિથાઈલ આલ્કોહોલ, એસેટિક એસિડ, સેલ્યુલર મોબાઈલ ફોન માટે કેમેરા લેન્સની જાહેરાત બજેટમાં કરવામાં આવી હતી. વગેરે પરની ડ્યુટી ઘટાડવા માટે તેમજ કેપિટલ ગુડ્સ, વિદેશી છત્રીઓ, ઇમિટેશન જ્વેલરી, લાઉડસ્પીકર, હેડફોન અને ઇયરફોન, સ્માર્ટ મીટર, સોલાર સેલ, સોલાર મોડ્યુલ, એક્સ-રે મશીન, ઇલેક્ટ્રોનિક તેમજ રમકડાં વગેરે પણ મોંઘા હોઈ શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.