ચુંટણી હારતા ઉમેદવારે ખાધો ગળાફાંસો, ફોર્મ પાછું લેવા મળતી હતી જાનથી મારી નાખવાની ધમકી

રેવાડીમાં પંચની ચૂંટણી લડનાર ઉમેદવારની આપઘાતનો મામલો સામે આવ્યો છે. ગ્રામજનોએ આખી રાત મૃતદેહને રસ્તા પર રોકી રાખ્યો હતો. પરિજનોની માંગ છે કે આરોપીઓ સામે હત્યાની કલમ હેઠળ કેસ નોંધવામાં આવે. આ સાથે આ મામલે બેદરકારી દાખવનાર ચોકીના ઈન્ચાર્જને સસ્પેન્ડ કરવામાં આવે. જોકે, પોલીસે આ મામલે આપઘાત માટે ઉશ્કેરવાનો ગુનો નોંધ્યો છે.

વાસ્તવમાં, પંચાયતના ઉમેદવાર અશોક કુમારે ગુરુવારે કોસલી નગરના બાવવા ગામમાં પોતાના જ ઘરમાં ફાંસી લગાવીને આપઘાત કરી લીધો છે, સંબંધીઓએ તેને લટકતો જોયો અને પોલીસને જાણ કરી હતી. આ પછી, તેને હોસ્પિટલમાં લઈ જવામાં આવ્યો, જ્યાં ડૉક્ટરોએ તેને મૃત જાહેર કર્યો. બીજી તરફ મોડી સાંજે 6 વાગ્યાની આસપાસ ગ્રામજનોએ મૃતદેહ રાખીને રોડ બ્લોક કરી દીધો હતો.

તેમના પરિવારજનોનું એવું કહેવું છે કે, પહેલા પણ ફોર્મ પરત ખેંચવા દબાણ કર્યું હતું. મળતી માહિતી મુજબ બાવવા ગામમાં 12 નવેમ્બરે યોજાયેલી પંચાયતની ચૂંટણીમાં અશોક વોર્ડ નંબર-1માંથી પંચ પદના ઉમેદવાર હતા. તે સમયે કેટલાક ગ્રામજનોએ તેમના પર ઉમેદવારી પાછી ખેંચવા માટે દબાણ પણ કર્યું હતું, પરંતુ તેમણે ઉમેદવારી પાછી ખેંચી ન હતી. જો કે ચૂંટણીમાં તેમનો પરાજય થયો હતો, પરંતુ હાર્યા બાદ તેમને જાનથી મારી નાખવાની ધમકીઓ મળી રહી હતી.

આરોપ છે કે બે દિવસ પહેલા પણ ગામના કેટલાક લોકોએ તેની સાથે મારપીટ કરી હતી. ગુરુવારે બપોરે તેઓ પોતાના ઘરે એકલા હતા. તે દરમિયાન તેણે ઘરે ગળેફાંસો ખાઈ લીધો હતો. થોડા સમય પછી જ્યારે તેના સંબંધીઓ ઘરે પહોંચ્યા તો તેઓએ તેને લટકતો જોયો. પરિવારનો આરોપ છે કે ગામના કેટલાક લોકો તેમને સતત જાનથી મારી નાખવાની ધમકી આપી રહ્યા હતા.