ઈસરોને મળી વધુ એક સફળતા: ચંદ્રની સપાટીની નજીક પહોંચ્યું ‘ચંદ્રયાન-3’ રિલીઝ કર્યો ચંદ્રમાનો અદભુત વિડીયો

Chandrayaan 3 First Images of Moon: ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ રવિવારે (6 ઓગસ્ટ) ચંદ્રયાન-3ના કેમેરા દ્વારા કેપ્ચર કરાયેલ ચંદ્રની પ્રથમ તસવીરો જાહેર કરી. ચંદ્રયાન-3 એ શનિવારે (5 ઓગસ્ટ) ચંદ્રની ભ્રમણકક્ષામાં પ્રવેશ કર્યા પછી આ દૃશ્ય દર્શાવ્યું હતું. વીડિયોમાં જોવા મળી રહ્યું છે કે ચંદ્ર પર વાદળી લીલા રંગના ઘણા ખાડાઓ છે.

મિશનના સત્તાવાર ટ્વિટર હેન્ડલ પર ટ્વિટ કરવામાં આવ્યું છે કે 5 ઓગસ્ટ, 2023ના રોજ ચંદ્રની ભ્રમણકક્ષામાં ચંદ્રયાન-3 પરથી ચંદ્ર જોવા મળ્યો હતો. ISROનું ચંદ્ર પરનું મિશન અત્યાર સુધી સારી રીતે ચાલી રહ્યું છે અને ISROને આશા છે કે વિક્રમ લેન્ડર આ મહિનાના અંતમાં 23 ઓગસ્ટે ચંદ્રની સપાટી પર સોફ્ટ લેન્ડિંગ કરશે.

ચંદ્રની ભ્રમણકક્ષામાં પ્રવેશ કર્યો
ચંદ્રયાન-3ને 22 દિવસ પહેલા ચંદ્રના દક્ષિણ ધ્રુવ પર લેન્ડ કરવા માટે લોન્ચ કરવામાં આવ્યું હતું, જ્યાં અત્યાર સુધી કોઈ દેશ પહોંચી શક્યો નથી. ભારતનું ત્રીજું માનવરહિત ચંદ્ર મિશન ચંદ્રયાન-3 શનિવારે ચંદ્રની ભ્રમણકક્ષામાં સફળતાપૂર્વક પ્રવેશ્યું.

The Moon, as viewed by #Chandrayaan3 spacecraft during Lunar Orbit Insertion (LOI) on August 5, 2023.#ISRO pic.twitter.com/xQtVyLTu0c

— LVM3-M4/CHANDRAYAAN-3 MISSION (@chandrayaan_3) August 6, 2023