November 15, 2024
2021-22ના સામાન્ય બજેટમાં સરકારે આરોગ્ય પરના ખર્ચમાં વધારો કર્યો છે. પરંતુ આ ખર્ચની ભરપાઇ કરવા માટે, ઘણા ઉત્પાદનો પર આબકારી અને આયાત ડ્યુટીમાં વધારો કરવામાં આવ્યો છે. ઉપરાંત, ઘણી વસ્તુઓ પર એગ્રી ઇન્ફ્રા સેસ લાદવામાં આવ્યો છે, જેનો અમલ ફક્ત 2 ફેબ્રુઆરી 2021 થી કરવામાં આવી રહ્યો છે. જાણો બજેટમાં બીજું શું ખર્ચાળ અને સસ્તું થવા જઈ રહ્યું છે…
દારુ મોંઘો થશે!
સરકારે જાહેરાત કરી છે કે નવો એગ્રી ઇન્ફ્રા ડેવલપમેન્ટ સેસ આવતીકાલથી જ લાગુ કરવામાં આવશે. આ પ્રમાણે આવતીકાલથી દારૂ પીવાનું પણ મોંઘુ થશે, કારણ કે બજેટમાં આલ્કોહોલિક પીણા પર 100 ટકા એગ્રી ઇન્ફ્રા સેસ લગાડવામાં આવ્યો છે.
બજેટમાં પેટ્રોલ પર લિટર દીઠ રૂપિયા 2.5 અને ડીઝલ પર લિટર દીઠ રૂપિયા 4 ના હિસાબથી ઇન્ફ્રા સેસ લગાવામાં આવ્યો છે. આ જોઇને લાગી રહ્યું છે કે આવતીકાલથી જ પેટ્રોલ ડીઝલના ભાવમાં વધારો થઇ શકે છે.
Trending News
સરકારે ક્રૂડ પામ ઓઇલ પર 17.5% એગ્રી ઇન્ફ્રા સેસ, ક્રૂડ સોયાબીન અને સૂર્યમુખી તેલ પર 20% સેસ લગાવ્યો છે. પરંતુ ગ્રાહકો પર આ વધારાના ખર્ચને રોકવા માટે તેમના પર બેઝિક કસ્ટમ્સ ડ્યુટી (બીસીડી) કાપવામાં આવી છે.
એપ્રિલ મહિનામાં સોનું ચાંદી સસ્તું થઇ શકે છે!
સોના-ચાંદી પરની એક્સાઈઝ ડ્યૂટી બજેટમાં કાપવામાં આવી છે. તે 12.5% થી ઘટાડીને 7.5% કરવામાં આવી છે. તે જ સમયે, સોના-ચાંદીના બિસ્કીટ પર એક્સાઈઝ ડ્યુટી પણ ઘટાડી દેવામાં આવી છે. આવી સ્થિતિમાં સોનું સસ્તુ થવાની સંભાવના છે.
જો કે, આ સાથે સરકારે સોના અને ચાંદી પર એગ્રી ઇન્ફ્રા સેસ ટકાના દરે લગાવ્યો છે. આ સાથે, સોના અને ચાંદીના ભાવો તાત્કાલિક ધોરણે વધવાની ધારણા છે.
ઓટો પાર્ટ્સ મોંઘા થઇ શકે છે પરંતુ વાહનો સસ્તા થઇ શકે છે!
સરકારે બજેટમાં પસંદ કરેલા ઓટો પાર્ટ્સ પરની કસ્ટમ ડ્યુટી 7.5% અને 10% થી વધારીને 15 ટકા કરી દીધી છે. તે જ સમયે, નટ-બોલ્ટ્સ પરની એક્સાઈઝ ડ્યુટી પણ 10% થી વધારીને 15% કરી દેવામાં આવી છે. આનાથી વાહનો મોંઘા થવાની સંભાવના નથી.
આનું કારણ એ છે કે સરકારે સ્ટીલ ક્ષેત્ર માટેની કસ્ટમ ડ્યુટી ઘટાડીને 7.5 ટકા કરી દીધી છે. આ ઉપરાંત, વાહન સ્ક્રેપ નીતિ પણ જાહેર કરવામાં આવી છે, જેના કારણે વાહનોની કિંમતમાં ઘટાડો થઈ શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle