મોટો ટ્રેન અક્સ્માત ટળ્યો… ટ્રેન ડ્રાઈવરે પ્લેટફોર્મ પર જ ચડાવી દીધી ટ્રેન! દ્રશ્યો જોઈ ચોંકી ઉઠશો

ચેન્નાઈના મધ્ય સ્ટેશન પર રવિવારે એક મોટી દુર્ઘટના ટળી ગઈ છે. લોકલ ટ્રેન (EMU)નો એક ડબ્બો પ્લેટફોર્મ પર ચઢી ગયો, ટ્રેનનો ડબ્બો પ્લેટફોર્મ પર પહોંચતા જ ત્યાં હાજર લોકોમાં ગભરાટ ફેલાયો હતો. જોકે રાહતની વાત એ છે કે આ ઘટનામાં કોઈને ઈજા થઈ નથી.

વાસ્તવમાં, આ ઘટના ત્યારે બની જ્યારે ખાલી ઇલેક્ટ્રિક મલ્ટીપલ યુનિટ (EMU)ને યાર્ડમાંથી પ્લેટફોર્મ પર લઈ જવામાં આવી રહી હતી. આ માહિતી આપતાં દક્ષિણ રેલવેના મુખ્ય જનસંપર્ક અધિકારી એસ. ગુગનેસને જણાવ્યું હતું કે શેડ લાઇનથી પ્લેટફોર્મ 1 સુધી ખાલી EMU રેક લઈ જતી વખતે રેક પ્લેટફોર્મના બફર છેડાને તોડીને આગળ નીકળી ગયો હતો અને પ્લેટફોર્મ 1 ને નુકસાન થયું હતું.

તેમણે કહ્યું કે, દુર્ઘટના સમયે ટ્રેનનો ડબ્બો સંપૂર્ણપણે ખાલી હતો અને તેમાં કોઈ પેસેન્જર નહોતું. પ્લેટફોર્મ પર હાજર કોઈપણ મુસાફરને કોઈ ઈજા થઈ નથી. તે જ સમયે, ગુગનેસને કહ્યું કે અકસ્માત પાછળનું કારણ જાણવા માટે યોગ્ય સ્તરે તપાસ કરવામાં આવશે.

જણાવવામાં આવી રહ્યું છે કે લગભગ 9 કલાકની મહેનત બાદ EMUને અકસ્માત સ્થળ પરથી હટાવી શકાયું. હાલમાં, બીચ પોલીસ સ્ટેશને ડ્રાઈવર વિરુદ્ધ આઈપીસીની કલમ 279 અને રેલવે એક્ટની કલમ 151, 154 હેઠળ કેસ નોંધ્યો છે.