May 02, 2024
થોડા સમય પહેલા જ ચીન દ્વારા માર્ચ-5B નામના રોકેટને અંતરિક્ષમાં મોકલવામાં આવ્યું હતું. જે 5 મે ના રોજ નિયંત્રણ બહાર થઇ ગયું હતું. જે રોકેટ આજે વહેલી સવારે ક્રેશ થઈ ગયું છે. નિષ્ણાતોનું માનવું છે કે, આ રોકેટ માલદિવ્સના દરિયા નજીક ક્રેશ થયું છે.
અમેરિકન સ્પેસ એજન્સી નાસા દ્વારા આ બેકાબૂ થયેલા રોકેટને સતત ફોલો કરવામાં આવતું હતું. આ બેકાબૂ થયેલું રોકેટ ગુજરાતના કચ્છ ઉપરથી પણ પસાર થયું હતું અને અંતે આજે વહેલી સવારે તે ભારત નજીક માલદિવ્સના દરિયા નજીક ક્રેશ થયું છે.
ચીનના દ્વારા મોકલાયેલું માર્ચ -5 બી રોકેટ હવેથી જોખમનું કારણ બનશે નહીં. ચીનની અવકાશ એજન્સીએ કહ્યું કે, તેનો મોટો ભાગ હિંદ મહાસાગરમાં આવી ગયો છે. તે જ સમયે, આ રોકેટનો મોટો ભાગ વાતાવરણમાં પ્રવેશતાની સાથે જ સમાપ્ત થઈ ગયો હતો. વિશ્વભરના વૈજ્ઞાનિકો રોકેટના ક્રેશ લેન્ડિંગ અંગે ડરતા હતા.
Remnants of China’s biggest rocket landed in the Indian Ocean, with the bulk of its components destroyed upon re-entry into the Earth’s atmosphere: Reuters
— ANI (@ANI) May 9, 2021
Trending News
ચીની રોકેટનો અનિયંત્રિત મોટો ભાગ જોખમ તરીકે જોવામાં આવ્યો હતો. 9 મી મેના રોજ પૃથ્વી પર પડવાની ભીતિ સેવાઈ હતી. પરંતુ તેના ઉતરાણ વિશે કોઈ સચોટ માહિતી મળી શકી નથી. નાસા સહિત વિશ્વભરની સ્પેસ એજન્સીઓએ તેના પર નજર રાખી હતી. લોંગ માર્ચ 5 બી રોકેટનો મુખ્ય તબક્કો 21 ટન હતો.
જો રોકેટનો આ ભાગ વસ્તીવાળા વિસ્તારમાં પડ્યો હોત, તો તે ઘણું નુકસાન કરી શકે છે. આ અંગે બેઇજિંગના અધિકારીઓએ કહ્યું કે, લોંગ માર્ચ -5 બી રોકેટના ફ્રીફોલ સેગમેન્ટથી થોડું જોખમ હતું. તમને જણાવી દઈએ કે, 29 એપ્રિલે, ચીનના નવા અવકાશ મથકનું પ્રથમ મોડ્યુલ પૃથ્વીની કક્ષામાં શરૂ થયું હતું.
We believe the rocket went down in the Indian Ocean, but are waiting on official data from @18SPCS
— Space-Track (@SpaceTrackOrg) May 9, 2021
ચીની એજન્સીએ જણાવ્યું છે કે, મોટાભાગનું રોકેટ વાતાવરણમાં પ્રવેશતા જ નાશ પામ્યું હતું. યુ.એસ. સૈન્યના ડેટાના આધારે મોનિટરિંગ સર્વિસ સ્પેસ-ટ્રેક પણ ચીનના રોકેટના ભંગાણની પુષ્ટિ કરી છે.
મોટાભાગનું રોકેટ પૃથ્વીના વાતાવરણમાં પ્રવેશતા જ નાશ પામ્યું હતું. જો આ ભાગ કોઈ શહેર પર પડતો તો મોટી તબાહી મચાવી દેત.આ રોકેટને લઈને ત્રણ અલગ અલગ સંભાવના વ્યક્ત કરાઈ હતી. જેમાંથી એક પૃથ્વી પરના ત્રણ સમુદ્ર પર હતી. આ રોકેટ 100 ફૂટ લાંબૂ અને 16 ફૂટ પહોંળુ હતું. જેનો વજન 21 ટનની આસપાસ છે. પહેલા એવી આશંકા હતી કે, આ રોકેટ અમેરિકાના ન્યૂયોર્ક, ન્યૂઝીલેન્ડ બાદમાં ઓસ્ટ્રેલિયામાં પડવાની આશંકા હતી. જો કે, હવે ચીની મીડિયાએ દાવો કર્યો છે કે, આ રોકેટ ભારતની નજીક હિંદ મહાસાગરમાં જઈને પડ્યુ છે.
પાણીમાં જ પડવાની હતી સંભાવના
આ રોકેટના ઉતરાણ વખતે, તે પાણીમાં જ પડવાની શક્યતા વધારે છે. પૃથ્વીના મોટાભાગના ભાગોમાં પાણી તેની જમીન પર પડ્યું હોવાથી, માણસોને નુકસાન થવાની સંભાવના ઓછી છે. આ રોકેટ અનિયંત્રિત થયા બાદ પૃથ્વી તરફ આગળ વધવા લાગ્યો હતો અને પૃથ્વી પર ત્રાટકવાની આશંકા હતી. જોકે, નિષ્ણાતોએ કહ્યું હતું કે પૃથ્વીની નજીક આવે ત્યારે રોકેટનો મોટો ભાગ બળીને રાખ થઈ જશે. જણાવી દઈએ કે, આ રોકેટની મદદથી ચીને તેના સ્પેસ સ્ટેશનનો પહેલો ભાગ અવકાશમાં બાંધવા મોકલ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
