ગુરૂએ જ વિદ્યાર્થી ઉપર આચર્યું દુષ્કર્મ- જાણો કેવી રીતે ફૂટ્યો ભાંડો

ગ્રેટર ફરીદાબાદ વિસ્તારના બીપીટીપી વિસ્તારમાં કરાટે શીખતી કિશોરી પર યૌન શોષણ કરનાર 62 વર્ષના કરાટે કોચની પોલીસે ધરપકડ કરી હતી. તેને કોર્ટમાં રજૂ કરવામાં આવ્યો હતો જ્યાંથી તેને 14 દિવસની ન્યાયિક કસ્ટડીમાં મોકલવામાં આવ્યો હતો.

મુજેસર પોલીસ સ્ટેશન વિસ્તારમાં રહેતા 15 વર્ષિય કિશોરીએ કરાટે કોચના શોષણથી કંટાળીને બે દિવસ પહેલા ઝેરી પદાર્થ ખાધો હતો અને ત્યારબાદ નાળામાં કૂદી પડ્યો હતો. સ્થાનિક લોકોએ તેને કોઈક રીતે તેને બહાર કાઢી અને હોસ્પિટલમાં મોકલીને પોલીસને જાણ કરી. આરોપી કરાટે કોચ પણ ઘટના સ્થળે પહોંચી ગયો હતો. કરાટે કોચની ઓળખ પહારી કોલોનીના રહેવાસી રણવીર તરીકે થઈ છે.

એવું કહેવામાં આવે છે કે, આરોપીના મોબાઇલમાં ઘણી અશ્લીલ વીડિયો પણ મળી આવી છે. આરોપી પ્રેક્ટિસ દરમિયાન કપડા બદલતી યુવતીઓનો વીડિયો બનાવતો હતો, ત્યારબાદ બ્લેકમેલ કરતો હતો અને તેનું જાતીય શોષણ કરતો હતો. એવું કહેવામાં આવી રહ્યું છે કે, આરોપી ત્રણ વર્ષથી પીડિત યુવતીનું શોષણ કરતો હતો.

મુજેસર પોલીસ સ્ટેશનના પ્રભારી સંદીપ કુમારે જણાવ્યું હતું કે, આરોપીની ધરપકડ કરવામાં આવી હતી અને તેને કોર્ટમાં રજૂ કરવામાં આવ્યો હતો જ્યાંથી તેને 14 દિવસની ન્યાયિક કસ્ટડીમાં મોકલવામાં આવ્યો હતો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.