January 30, 2025
ફરી એકવાર ધર્મ એક દંપતીને કાયમ માટે જુદા પાડે છે. ઝાંસીમાં છત્રપુરના એક યુવકે ટ્રેનની આગળ કૂદીને આત્મહત્યા કરી લીધી હતી. યુવક 3 દિવસથી તેના ઘરેથી ગુમ હતો. જીઆરપીને તેના ખિસ્સામાંથી એક સ્યુસાઇડ નોટ પણ મળી છે. તેમાં તેણે લખ્યું છે કે- તમે મારા બાળકને જન્મ જરૂર આપજો, તે આપણા પ્રેમની નિશાની છે. હું ચોક્કસ મરી રહ્યો છું, પણ હંમેશાં તમારા દિલમાં તમારી સાથે રહીશ. મને શું થયું, હું કેમ મરી ગયો, મારી પત્ની મરિયમ બાનો તમને આ કહેશે. તેણે સ્યુસાઇડ નોટમાં એવી ઇચ્છા વ્યક્ત કરી છે કે, પત્નીએ અંતિમ સંસ્કાર કરવા. ઝાંસી રેલ્વે પોલીસ આ મામલે તપાસ કરી રહી છે.
બેનીગંજ મહોલ્લામાં રહેતા ભૂપેન્દ્ર યાદવ એમ.આર. થોડા દિવસ પહેલા અચાનક ઘરમાંથી ગાયબ થઈ ગયો હતો. પરિવારના સભ્યોએ 18 જૂને કોતવાલી પોલીસ સ્ટેશનમાં ગુમ થયાની ફરિયાદ નોંધાવી હતી. ઝાંસીમાં રેલ્વે સ્ટેશન પાસેના ટ્રેક પરથી રવિવારે મોડી સાંજે ભૂપેન્દ્રની લાશ મળી હતી.
Trending News
આ અંગે તેના નજીકના મિત્રોએ જણાવ્યું કે, તેનું મારિયાહ બાનો નામની યુવતી સાથે અફેર હતું. એવું પણ કહેવામાં આવી રહ્યું છે કે, આ બંનેના લગ્ન પણ ગુપ્ત રીતે થયાં હતાં. બંનેના પરિવારના સભ્યોને આ વાત પસંદ નહોતી. યુવતી તેના ઘરે રોકાઈ હતી. જેના કારણે ભૂપેન્દ્રએ આત્મહત્યા કરી છે. પોતાની સ્યુસાઇડ નોટમાં તેણે પત્નીને આત્મહત્યા પાછળનું કારણ અંગે જાણ હોવાની વાત કરી છે.
સ્યુસાઇડ નોટમાં મૃતક ભૂપેન્દ્રએ લખ્યું હતું કે, હું આત્મહત્યા કરવા જઈ રહ્યો છુ, મારા મૃતદેહને મારા ઘરે પહોચાડી દેજો, મારી પત્ની હવે તેના ઘરે છે, તેનું નામ મરિયમ બાનો છે. પિતા મોહમ્મદ આઝાદ ઉર્ફે ફજ્જુ છે. આગળ લખ્યું છે કે, મારી છેલ્લી ઇચ્છા છે કે મારી પત્ની મારો અંતિમ વિધિ કરે, બીજા કોઈ નહીં. મરિયમને વિનંતી છે કે, મારા મૃત્યુ પછી તે બીજા લગ્ન ન કરે.
અહીં મૃતક ભૂપેન્દ્ર યાદવના પરિવારજનો કોતવાલી પોલીસ મથકે પહોંચ્યા હતા અને અરજી કરી હતી તેમજ આ મામલે ઉચિત તપાસ કરવાની માંગ કરી હતી. જેથી કોટવાલી પોલીસ સ્ટેશનના પ્રભારી અરવિંદસિંહ ડાંગી દ્વારા સમગ્ર મામલે તપાસ કરવાની ખાતરી આપવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.