November 28, 2024
કોરોના(Corona) વાયરસના નવા પ્રકાર, ઓમિક્રોન(Omicron)ને લઈને ભારતમાં પરિસ્થિતિ ધીમે ધીમે ગંભીર બની રહી છે. દેશમાં નવા પ્રકારો ધરાવતા દર્દીઓની સંખ્યા સતત વધી રહી છે. શુક્રવારે સવાર સુધીમાં દેશમાં ઓમિક્રોન વેરિઅન્ટના 358 કેસ મળી આવ્યા છે. આ નવું વેરિઅન્ટ અત્યાર સુધીમાં દેશના 17 રાજ્યોમાં ફેલાઈ ચૂક્યું છે. રાહતની વાત એ છે કે અત્યાર સુધીમાં 114 દર્દીઓ આ વેરિઅન્ટથી સાજા થયા છે.
તમને જણાવી દઈએ કે ઓમિક્રોનના સૌથી વધુ કેસ મહારાષ્ટ્રમાં મળી આવ્યા છે. અહીં આ વેરિઅન્ટના દર્દીઓની સંખ્યા 88 પર પહોંચી ગઈ છે. તે જ સમયે, દિલ્હીમાં અત્યાર સુધીમાં 67 કેસ નોંધાયા છે.
જણાવી દઈએ કે ઓમિક્રોનના કારણે એવી આશંકા છે કે જાન્યુઆરીમાં દેશમાં કોરોના સંક્રમણના કેસ ઝડપથી વધશે અને ફેબ્રુઆરીમાં કોવિડની ત્રીજી લહેર આવી શકે છે. આને ધ્યાનમાં રાખીને, અલ્હાબાદ હાઈકોર્ટે ગુરુવારે કેન્દ્ર સરકાર અને ભારતના ચૂંટણી પંચને ચૂંટણી રેલીઓ પર પ્રતિબંધ મૂકવા અને ચૂંટણીઓ મુલતવી રાખવા માટે વિચારણા કરવા વિનંતી કરી.
Trending News
વાસ્તવમાં, 2022માં ઉત્તર પ્રદેશ, ઉત્તરાખંડ, પંજાબ, ગોવા અને મણિપુરમાં વિધાનસભાની ચૂંટણી યોજાવાની છે. સાથે જ ગુજરાત અને હિમાચલ પ્રદેશમાં વર્ષના અંત સુધીમાં ચૂંટણી યોજાઈ શકે છે. આવી સ્થિતિમાં કોર્ટનું કહેવું છે કે કોવિડની બીજી લહેરથી બોધપાઠ લઈને દેશમાં ચૂંટણી સ્થગિત કરવી જોઈએ.
ઓમિક્રોન વેરિએન્ટના લક્ષણો:
ઓમિક્રોન વેરિએન્ટના લક્ષણોમાં થાક લાગવો, શરીરમાં દુઃખાવો થવો,માથામાં ખુબ જ દુખાવો થવો વગેરે જેવા લક્ષણોનો સમાવેશ થાય છે.
Omicron સંક્રમિતોમાં નથી જોવા મળતા કોરોના જેવા આ લક્ષણો:
નાક બંધ રહેવું, ખૂબ વધારે તાવ આવવો આ પ્રકારના લક્ષણો ઓમિક્રોનથી સંક્રમિત થયેલા દર્દીઓમાં જોવા મળતા નથી.
જાણો કેમ છે અત્યંત ખતરનાક ઓમિક્રોન?
ઓમિક્રોન વાયરસે સમગ્ર વિશ્વમાં હાહાકાર મચાવ્યો છે. અત્યાર સુધી દુનિયાભરના કુલ 35 જેટલા દેશોમાં ઓમિક્રોને દશેહત ફેલાવી છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપથી ફેલાય છે. જેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ઘણા ખરા લોકોને સંક્રમિત કરી રહ્યો છે. ડરની વાત એ છે કે, આ વાયરસનું સંક્રમણ હોવા છતા પણ રિપોર્ટમાં પકડાતો નથી. ઓમિક્રોન વાયરસ ઝડપી સંક્રમિત કરનારો વેરિઅન્ટ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.