શ્રીલંકા પ્રવાસ માટે ભારતીય ક્રિકેટ ટિમ જાહેર, ભાવનગરનો આ યુવા ખેલાડી કરશે આંતરરાષ્ટ્રીય ક્રિકેટમાં પદાર્પણ

ક્રિકેટ: આ વર્ષે જુલાઈમાં ભારતની ક્રિકેટ ટીમ શ્રીલંકા પ્રવાસે જશે એવું બીસીસીઆઈ એ આજે ટીમ જાહેર કરી દઈને કન્ફર્મ કરી દીધું છે. સિનિયર સિલેક્શન ટીમ દ્વારા શ્રીલંકા સામેની વનડે સિરીઝ અને ટી-20 સિરીઝ માટેની પુરુષ ક્રિકેટ ટીમ જાહેર કરી દીધી છે.

શ્રીલંકા સામેની ત્રણ વનડે તેમજ ત્રણ T20 મેચની સિરીઝ માટે રોહિત શર્મા, વિરાટ કોહલી, જસપ્રીત બુમરાહ જેવા દિગગજોની ગેરહાજરીમાં શિખર ધવનને સુકાની બનાવવામાં આવ્યા છે, ભુવનેશ્વર કુમાર ઉપ કપ્તાન તરીકે ચાર્જ સંભાળશે.

ઉલ્લેખનીય છે કે, વિશ્વ ટેસ્ટ ચેમ્પિયનશીપના ભાગરૂપે સિનિયર ખેલાડીઓ આ સિરીઝમાં ભાગ લેવાના નથી. શિખર ધવન(કેપટન) સંજુ સેમસન, પૃથ્વી શો, દેવદત્ત પડીકલ, સૂર્ય કુમાર યાદવ, મનીષ પાંડે, નીતીશ રાણા, ઈશાન કિશન, હાર્દિક પંડ્યા, કૃષ્ણપ્પા ગૌતમ, યજુવેન્દ્ર ચહલ, રાહુલ ચહલ,કુલદીપ યાદવ, વરુણ ચક્રવર્તી, દિપક છહર,કૃણાલ પંડ્યા, નવદીપ સૈની, ઋતુરાજ ગાયકવાડ,ચેતન સાકરીયા અને ભુવનેશ્વર કુમાર(વાઇસ કેપ્તન) નો સમાવેશ વનડે અને ટી-20 સિરીઝ માટે કરવામાં આવ્યો છે.

નેટ બોલર્સ તરીકે- ઈશાન પોરેલ, અર્શદીપ સિંહ,સંદીપ વોરિયર,સીમરજીત સિંહ અને સાંઈ કિશોરનો સમાવેશ કરવામાં આવ્યો છે.