IPL 2022નું શીડ્યુલ આવ્યું સામે, પ્રથમ મેચ અહિયાં રમાશે- જાણો સંપૂર્ણ વિગત

Published on: 10:28 am, Wed, 24 November 21

IPL 2022નું શેડ્યૂલ લગભગ નક્કી થઈ ગયું છે. T20 લીગની નવી સિઝન એપ્રિલના પહેલા સપ્તાહથી શરૂ થઈ શકે છે. એમએસ ધોનીના નેતૃત્વમાં ચેન્નાઈ સુપર કિંગ્સ (CSK) એ IPL 2021 નું ટાઇટલ જીત્યું. આવી સ્થિતિમાં ડિફેન્ડિંગ ચેમ્પિયન હોવાને કારણે તેને શરૂઆતની મેચમાં તક મળશે. વર્તમાન સિઝનમાં 8ને બદલે 10 ટીમો મેદાનમાં ઉતરશે. 2 નવી ટીમોના ઉમેરા સાથે મેચોની સંખ્યા 60 થી વધીને 74 થશે. બીસીસીઆઈએ પહેલાથી જ જાહેરાત કરી દીધી છે કે આ વખતે T20 લીગની આખી સીઝન દેશમાં જ યોજાશે.

ક્રિકબઝના સમાચાર અનુસાર, IPL 2022 2 એપ્રિલથી શરૂ થઈ શકે છે. પ્રથમ મેચ ચેન્નાઈમાં રમાશે. આ વખતે મેચોમાં વધારો થવાને કારણે લીગ 60 દિવસથી વધુ ચાલી શકે છે. ફાઈનલ મેચ 4 અથવા 5 જૂને રમાઈ શકે છે. જો કે તમામ ટીમોએ પહેલાની જેમ 14-14 મેચ રમવાની રહેશે. 7 મેચ ઘરઆંગણે અને 7 મેચ ઘરની બહાર રમાશે.

મુંબઈ ઈન્ડિયન્સની ટક્કર થઈ શકે છે:
ઓપનિંગ મેચમાં ચેન્નાઈ સુપર કિંગ્સ કઈ ટીમનો સામનો કરશે, જો કે હજુ સુધી તે નક્કી કરવામાં આવ્યું નથી. પરંતુ એવું માનવામાં આવે છે કે પહેલાની જેમ તેની ટક્કર મુંબઈ ઈન્ડિયન્સ સાથે થઈ શકે છે. રોહિત શર્માની કેપ્ટન્સીમાં મુંબઈએ સૌથી વધુ વખત T20 લીગનું ટાઈટલ કબજે કર્યું છે. CSK 4 વખત ટાઈટલ જીતી ચુકી છે.

IPL 2020 ની આખી સિઝન, જ્યારે IPL 2021 ની અડધી સિઝન UAE માં યોજાઈ હતી. પરંતુ બોર્ડના સેક્રેટરી જય શાહ પહેલા જ સ્પષ્ટ કરી ચૂક્યા છે કે વર્તમાન સિઝન દેશમાં જ યોજાશે. અમદાવાદ અને લખનૌની 2 નવી ટીમો લીગમાં જોડાઈ છે. મેગા ઓક્શન (IPL 2022 મેગા ઓક્શન) જાન્યુઆરીમાં થવાની શક્યતા છે. ભારત અને ન્યુઝીલેન્ડ સીરીઝમાં ચાહકો સ્ટેડિયમમાં આવી રહ્યા છે. આવી સ્થિતિમાં IPLમાં પણ આ વખતે મોટી સંખ્યામાં ફેન્સ આવી શકે છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.