દિવાળી પર લક્ષ્મીજી સાથે ભૂલથી પણ ન કરો આ ભગવાનની પૂજા, અર્થનો થઇ જશે અનર્થ

દિવાળી 2021: સામાન્ય રીતે ભગવાન શિવ-દેવી પાર્વતી અને ભગવાન વિષ્ણુ-માતા લક્ષ્મીની પૂજા એકલા કરવામાં નથી આવતી. જો શિવની પૂજા કરવામાં આવે તો તેમાં પાર્વતીજીનો પણ કોઈને કોઈ રૂપ માં સમાવેશ કરવામાં આવે છે. તેવી જ રીતે, ભગવાન વિષ્ણુ અથવા માતા લક્ષ્મીમાંથી એકની પૂજા કરતી વખતે, બીજાની પણ પૂજા કરવામાં આવે છે. આ કરવાથી જ પૂજાનું પૂર્ણ ફળ મળે છે. પરંતુ દિવાળીના દિવસે દેવી લક્ષ્મીની સાથે ભગવાન વિષ્ણુની પૂજા કરવામાં આવતી નથી. શું તમે ક્યારેય વિચાર્યું છે કે, તેના પાછળનું કારણ શું છે?

લક્ષ્મીજી સાથે ગણેશ-સરસ્વતીની પૂજા કરવામાં આવે છે.
દિવાળી પર ધનની દેવી લક્ષ્મીની સાથે ભગવાન ગણેશ અને દેવી સરસ્વતીની પૂજા પણ કરવામાં આવે છે. આ ઉપરાંત કુબેર દેવની પણ પૂજા કરવામાં આવે છે, જેથી આપણા પાસે આખું વર્ષ ધન, સમૃદ્ધિ અને બુદ્ધિ રહે. ઘરમાં શુભ કાર્ય થાય અને આપણા ઘરમાં કોઈ પણ અશુભ કામ ન થાય. વર્ષમાં આ એકમાત્ર એવો સમય છે જ્યારે લક્ષ્મીજીની તેમના પતિ ભગવાન વિષ્ણુ સાથે પૂજા કરવામાં આવતી નથી. ધર્મ પુરાણોમાં તેની પાછળ એક ખાસ કારણ જણાવવામાં પણ આવ્યું છે.

તેથી જ ભગવાન વિષ્ણુની પૂજા કરવામાં આવતી નથી.
દિવાળીના દિવસે દેવી લક્ષ્મીની સાથે ઘણા દેવતાઓની પણ પૂજા કરવામાં આવે છે, પરંતુ તેમની સાથે ભગવાન વિષ્ણુની પૂજા ન કરવા પાછળનું કારણ ખાસ છે. વાસ્તવમાં, ભગવાન વિષ્ણુ ચાતુર્માસ દરમિયાન ઊંઘમાં રહે છે અને દિવાળી પછી દેવુથની એકાદશી દરમિયાન જાગે છે. ચાતુર્માસ દરમિયાન દિવાળી આવતી હોવાથી, તેમની ઊંઘમાં ખલેલ ન પહોચે તે માટે તેમને દિવાળી પર પ્રાથના અને પૂજા કરવામાં આવતી નથી. દેવ દીપાવલી કારતક પૂર્ણિમાના દિવસે ઉજવવામાં આવે છે, જ્યારે ભગવાન વિષ્ણુ તેમની ઊંઘમાંથી જાગી જાય છે. તે દિવસે દેવ દીપાવલી પણ ઉજવવામાં આવે છે. તે ઉપરાંત મંદિરોમાં ખૂબ શણગાર કરવામાં આવે છે અને ફૂલો દ્વારા રંગોળી કરવામાં આવે છે.