February 28, 2025
Idli Cause Cancer: જો તમે પણ ઈડલીના દિવાના છો તો સાવધાન થઇ જજો. રિપોર્ટ્સ અનુસાર, ઈડલી કેન્સર જેવા ગંભીર રોગોનું જોખમ પેદા (Idli Cause Cancer) કરી શકે છે. ખાદ્ય વિભાગ દ્વારા કરવામાં આવેલી તપાસમાં જાણવા મળ્યું છે કે બેંગલુરુના ઘણા વિસ્તારોમાં પરંપરાગત સુતરાઉ કાપડને બદલે હવે પ્લાસ્ટિક શીટનો ઉપયોગ ઇડલી બનાવવા માટે થઈ રહ્યો છે. આ પ્લાસ્ટિક ઈડલી બનાવતી વખતે ગરમીના સંપર્કમાં આવે છે અને ઝેરી રસાયણો છોડે છે, જે શરીરમાં પહોંચ્યા પછી ધીમે ધીમે ગંભીર રોગનું કારણ બની શકે છે.
પ્લાસ્ટિકના ઉપયોગ સામે કડક કાર્યવાહી
તપાસમાં જાણવા મળ્યું કે આમાંથી 35થી વધુ નમૂનાઓ સ્વાસ્થ્ય માટે જોખમી હતા. 100થી વધુ નમૂનાઓના રિપોર્ટ હજુ રાહ જોવાઈ રહ્યા છે. અધિકારીઓનું કહેવું છે કે પ્લાસ્ટિકના ઉપયોગ સામે કડક કાર્યવાહી કરવામાં આવશે. જો રિપોર્ટમાં વધુ ચોંકાવનારા તથ્યો બહાર આવે છે તો ભવિષ્યમાં ઈડલી બનાવવાના નિયમો પણ બદલાઈ શકે છે.
નબળી ગુણવત્તાવાળા ચોખા અને અડદ દાળનો ઉપયોગ
આ તપાસમાં એવું પણ જાણવા મળ્યું કે કેટલાક દુકાનદારો અને હોટલો ઈડલી બનાવવા માટે નબળી ગુણવત્તાવાળા ચોખા અને અડદ દાળનો ઉપયોગ કરી રહ્યા છે. ઈડલીને વધુ સફેદ અને આકર્ષક બનાવવા માટે તેમાં બ્લીચિંગ પાવડર, કૃત્રિમ રંગો અને રસાયણો ઉમેરવામાં આવી રહ્યા છે, જે ખાદ્ય પદાર્થોમાં ન હોવા જોઈએ. આ હાનિકારક તત્વો શરીરમાં પહોંચી શકે છે અને સ્વાસ્થ્ય માટે ગંભીર ખતરો પેદા કરી શકે છે.
Trending News
પેટ સંબંધિત રોગો થઈ શકે છે
નિષ્ણાતો કહે છે કે પ્લાસ્ટિકમાં બનેલી ઇડલીના કારણે શરીરમાં ઝેરી તત્વો વધવાનું જોખમ રહેલું છે. આનાથી પેટ સંબંધિત રોગો થઈ શકે છે. આના કારણે હોર્મોનલ સમસ્યાઓ થઈ શકે છે. એટલું જ નહીં કેન્સરનું જોખમ પણ રહે છે.
ઇડલી બનાવવા માટે વપરાતા પ્લાસ્ટિકમાં બિસફેનોલ એ (BPA) જેવા રસાયણો હોય છે, જે કેન્સરનું જોખમ વધારી શકે છે. તેવી જ રીતે, જો પ્લાસ્ટિકમાં થેલેટ્સ હોય તો તે વધુ ખતરનાક છે. આ રસાયણો કાર્સિનોજેનિક છે.આ રસાયણોના સંપર્કમાં આવવાથી કેન્સરનું જોખમ અનેક ગણું વધી શકે છે. જ્યારે ઇડલી પ્લાસ્ટિકમાં રાખવામાં આવે છે ત્યારે આ જોખમ વધુ વધે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App