આવો ક્રૂર પાડોશી કોઈને ના મળે! પાલતું શ્વાનને જમીન પર પછાડી, માલિકને લોખંડની પાઈપથી માર્યો માર

દિલ્હી(Delhi)ના પશ્ચિમ વિહાર(Paschim Vihar) વિસ્તારમાંથી એક ચોંકાવનારો મામલો સામે આવ્યો છે. જ્યાં પાલતુ કૂતરું ભસતાં પાડોશમાં રહેતો યુવક એટલો ઉશ્કેરાઈ ગયો હતો કે તેણે લોખંડના સળિયા વડે હુમલો કરી ત્રણ લોકોને ઘાયલ કરી દીધા હતા. જેમને સારવાર માટે હોસ્પિટલમાં દાખલ કરવામાં આવ્યા છે. પીડિતાએ તેની ફરિયાદ પશ્ચિમ વિહાર પોલીસ સ્ટેશનમાં આપી છે. પરંતુ હજુ સુધી FIR નોંધવામાં આવી નથી.

Day light violence in Delhi paschim vihar A4 block.
This man attacked multiple people including a woman and a dog @narendramodi @DelhiPolice @CPDelhi @PMOIndia @ArvindKejriwal @AamAadmiParty @BJP4India @peta #AnimalAbuse #Attack #attempttomurder @ndtvvideos @ndtvindia pic.twitter.com/tsusXkZCDA

— Thandi-Chai ☕ (@MohitMohlia) July 3, 2022

કૂતરાના ભસવા પરની લડાઈમાં, પાડોશીએ પહેલા કૂતરાને પૂંછડીથી પકડીને જમીન પર પછાડ્યો. જ્યારે કૂતરાના માલિકે વિરોધ કર્યો તો આરોપીઓએ પરિવારના ત્રણ સભ્યો પર લોખંડના સળિયા વડે હુમલો કરી તેમને લોહીલુહાણ કરી દીધા. આ સમગ્ર ઘટના નજીકમાં લાગેલા સીસીટીવીમાં કેદ થઈ ગઈ હતી. તમામ ઘાયલોને નજીકની હોસ્પિટલમાં દાખલ કરવામાં આવ્યા છે. પોલીસ આ મામલે તપાસ કરી રહી છે. આરોપી ધરમવીર સિંહ દહિયા પશ્ચિમ વિહાર A બ્લોક જનતા ફ્લેટમાં રહે છે.

રક્ષિત નામનો પીડિત તેના પરિવાર સાથે પશ્ચિમ વિહાર વિસ્તારમાં રહે છે. તેની પડોશની શેરીમાં રહેતો ધરમવીર દહિયા રવિવારે સવારે તેના ઘરની સામેથી જઈ રહ્યો હતો. આ દરમિયાન તેનો પાલતુ કૂતરો ઘરના ગેટ પર બેઠો હતો. ધરમવીર ત્યાં પહોંચતા જ રક્ષિતનો કૂતરો ભસવા લાગ્યો. જેના કારણે ધરમવીર ખૂબ ગુસ્સે થઈ ગયો. તેણે રક્ષિતના પાલતુ કૂતરાને પૂંછડીથી પકડીને જમીન પર પછાડ્યો.