February 24, 2025
Udaipur road accident: રાજસ્થાનના ઉદયપુરથી એક અકસ્માતના સમાચાર સામે આવ્યા છે. ઉદયપુર જિલ્લાના ઝાડોલના રંગઘાટીમાં રવિવારે બપોરે 12 વાગ્યે એક બસ (Udaipur road accident) બે કાબુ થઇ ગઈ અને પલટી ગઈ હતી. ત્યારે આ અકસ્માતમાં એક મહિલા સહિત બે લોકોના મોત થયા છે, જ્યારે 28 લોકો ઘાયલ થયા છે.
બસમાં લગભગ 50 મુસાફરો હતા, જે તમામ સગા-સંબંધી હતા. આ અકસ્માત ઝડોલથી 10 કિલોમીટર દૂર બાગપુરા પોલીસ સ્ટેશન વિસ્તારમાં થયો હતો. ઘટના બાદ તરત જ ત્યાંથી પસાર થતા લોકોએ રાહત કાર્ય શરૂ કર્યું હતું અને બસની નીચે ફસાયેલા મુસાફરોને બહાર કાઢ્યા હતા.
ઈજાગ્રસ્તોને હોસ્પિટલમાં મોકલવામાં આવ્યા હતા
અકસ્માતમાં કિશન વેદની પત્ની સુમન (50) અને રાજુ (28)નું ઘટનાસ્થળે જ મોત નીપજ્યું હતું. માહિતી મળતાની સાથે જ પોલીસ ઘટનાસ્થળે પહોંચી ગઈ હતી અને ઘાયલોને એમ્બ્યુલન્સ મારફતે ઝડોલ હોસ્પિટલ મોકલ્યા હતા. પ્રત્યક્ષદર્શીઓ અને ઘાયલોએ ડ્રાઈવર પર બેદરકારીથી બસ ચલાવવાનો આરોપ લગાવ્યો છે.
Trending News
લગ્ન સમારોહમાં જતા મુસાફરો
બસમાં મુસાફરી કરી રહેલા મુસાફરો દેબારીથી ઝાડોલના બદરાણા જઈ રહ્યા હતા. એક દિવસ પહેલા બદરાણામાં રહેતા અંબાલાલ વેદના પુત્ર જગદીશ વેદના લગ્ન દેબારીમાં રહેતા લક્ષ્મીલાલ વેદની પુત્રી પૂજા સાથે થયા હતા. આજે સવારે બદ્રાણામાં છોકરા તરફથી સ્વાગત કાર્યક્રમનું આયોજન કરવામાં આવ્યું હતું, જેમાં હાજરી આપવા માટે છોકરી બાજુના લોકો બસમાં જઈ રહ્યા હતા.
અકસ્માત બાદ પોલીસે ક્રેઈન મંગાવી બસને હટાવી ટ્રાફિકને સુચારૂ બનાવ્યો હતો. ઘાયલોની ઝડોલ હોસ્પિટલમાં સારવાર ચાલુ છે. પોલીસે તપાસ શરૂ કરી છે
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App