November 05, 2024
આજકાલ લોકો જે ધારે તે કરી શકે છે. ત્યારે એવી વાત જાણવા મળી છે કે, 27 વર્ષીય જોનીએ હોપિન (hopin app) નામની વીડિયો કોન્ફરન્સિંગ એપ બનાવીને અબજો રૂપિયાની કંપની બનાવી છે. હવે તેણે તે જ કંપનીના કેટલાક શેર વેચીને 10 અબજ રૂપિયાની કમાણી કરી છે. બ્રિટનના (Britain) આ સૌથી યુવા અરબપતિ જોની બોફરહાટ (Johnny Boufarhat) ફરી એકવાર ચર્ચામાં આવ્યા છે.
જાણવા મળ્યું છે કે, તેની આ સફળતા પાછળ તેની ગર્લફ્રેન્ડના બેડરૂમની ખાસ ભૂમિકા છે. ખરેખર, જોની બુપફરહતની કારકિર્દી વર્ષ 2018 માં તેની ગર્લફ્રેન્ડના બેડરૂમથી શરૂ થઈ હતી તેવું કહેવામાં આવે છે. તેણે તેની ગર્લફ્રેન્ડના પલંગ પર સૂતી વખતે આ હોપિન એપને કોડિંગ કરવાનું શરૂ કર્યું. જો કે પછી પૈસાના અભાવે તે તેને લોન્ચ કરી શક્યો ન હતો. હોપિન એપ ‘ઝૂમ’ એપ જેવી જ છે. જેના દ્વારા લોકોને લાઈવ વીડિયો કોલ કરી શકાય છે. હોપિન કોઈપણ સંસ્થાના કર્મચારીઓને રિમોટ નેટવર્ક (Remote Network) પર કામ કરવાની તક આપે છે.
Trending News
જોની બુપફરહતએ 2020માં બ્રિટનમાં લોકડાઉન બાદ લાગુ કરવામાં આવેલા વર્ક ફ્રોમ હોમને ધ્યાનમાં રાખીને આ વીડિયો કોન્ફરન્સિંગ એપ બનાવી છે. વર્ષ 2020 માં હોપિનને લોન્ચ કર્યા પછી થોડી કમાણી થઇ હતી. લોન્ચ થયાના એક વર્ષ પછી, 50 લાખથી વધુ લોકોએ આ એપનો ઉપયોગ કરવાનું શરૂ કર્યું, જેના કારણે તેની કિંમત 400 કરોડ રૂપિયાથી વધુ થઈ ગઈ. તેથી જોની બ્રિટનનો સૌથી યુવા અબજોપતિ બન્યો હતો.
જાણવા મળ્યું છે કે, ભૂતકાળમાં તેણે તેની કંપનીના કેટલોક શેર વેચ્યા હતા, જેના કારણે બીજા 10 અબજ રૂપિયા કમાયો હતો. એક રીપોર્ટ અનુસાર, હોપિન કંપનીની વધતી જતી નેટવર્થને કારણે જોનીની નેટવર્થ વધીને 1.5 બિલિયન પાઉન્ડ (150 કરોડ) થઈ ગઈ છે.
2021માં સન્ડે ટાઈમ્સની રિચ લિસ્ટમાં તે 113માં ક્રમે હતો. જોની બૌફરહત કહે છે કે, ‘ મિત્રો સાથે રખડવું ભટકવું ખુબ જ કંટાળાજનક છે, ના તો મને પાર્ટીઓનો શોખ છે, ના તો મને પીવાનો!’ હાલમાં, જોની તેની એપ્લિકેશનમાં વધુમાં વધુ સુવિધાઓ આપી શકે તે માટે કામ કરી રહ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.