November 28, 2024
Car Fire Accident: મેરઠના જાની પોલીસ સ્ટેશન વિસ્તારના નહેરના પુલ પાસે એક મોટો દુ:ખદ અકસ્માત થયો હતો. અહીં ચાલતી કારમાં આગ લાગવાને કારણે આ અકસ્માત(Car Fire Accident) થયો હતો અને કારમાં જીવતા સળગીને 4 લોકોના મોત થયા હતા.ત્યારે આ ઘટનાના પગલે સવાલ એ થાય છે કે સીએનજી કારમાં કેમ આ રીતે અચાનક આગ લાગે છે અને જો આવું થાય તો તે દરમિયાન શું કરવું જોઈએ…
ચાર લોકો જીવતા સળગીને ભડથું
દિલ્હીથી હરિદ્વાર જઈ રહેલી કારમાં મુસાફરી કરી રહેલા ચાર લોકોને જીવતા સળગી ઉઠ્યા હતા. રવિવારે મોડી સાંજે કારમાં અચાનક આગ લાગવાના કારણે આ અકસ્માત થયો હતો. પોલીસ ઘટના સ્થળે પહોંચી હતી અને ભારે જહેમત બાદ આગ પર કાબુ મેળવી શકાયો હતો.કારમાં બેઠેલા લોકો ચીસો પાડી રહ્યા હતા, પરંતુ નજીકમાં ઉભેલા લોકો આગમાં ફસાયેલા લોકોને કેવી રીતે બચાવવા તે અંગે લાચાર હતા. થોડી જ વારમાં કારમાંથી આવતી ચીસોનો અવાજ કાયમ માટે શાંત થઈ ગયો હતો. આ દુર્ઘટનામાં ચાર લોકોના મોત થયા છે, મૃત્યુ પામેલાઓમાં એક બાળક અને એક મહિલાનો પણ સમાવેશ થાય છે.
Trending News
કારમાં આગ લાગવાનું કારણ શું?
કારમાં અકસ્માતને કારણે એક સ્પાર્ક પેદા થાય છે અને જો તે સ્પાર્કને બળતણ મળે તો આગ લાગી જ જાય છે. ઈંધણ એટલે કે પેટ્રોલ અથવા ડીઝલ લીક થાય છે જ્યારે ઈંધણની પાઈપ અકસ્માત અથવા અન્ય કારણોસર નુકસાન પામે છે. ઘણી વખત જ્યારે કેબલ અથવા પ્લગ તૂટી જાય છે, ત્યારે વાયર એકબીજા સાથે અથડાય છે અને આગ શરૂ થાય છે. મોડિફિકેશન દરમિયાન ઈલેક્ટ્રીક સિસ્ટમ ખોરવાઈ જાય તો પણ ખતરો છે. કારમાં સારી ગુણવત્તાની એરબેગ્સ ન હોય તો પણ આગ લાગવાની શક્યતા રહે છે.
જાણકાર મિકેનિક દ્વારા જ વાહનની તપાસ કરાવો
દરેક કારની મેક અલગ-અલગ હોવાથી મિકેનિક્સને તે મુજબ ટ્રેનિંગ હોવી જરૂરી છે. આ તાલીમને કારણે જાણકાર મિકેનિક વાહનનું કામ વધુ સારી રીતે કરે છે જ્યારે અજ્ઞાની મિકેનિક્સ ઘણી વખત ભૂલો કરે છે. આવી સ્થિતિમાં કારમાં આગ લાગવાની આશંકા રહે છે. જ્યારે વાહનની અંદર નવી એક્સેસરીઝ ફીટ કરવામાં આવે ત્યારે પણ આવું જ થાય છે. એટલા માટે આપણે હંમેશા વાહન સંબંધિત કામ માત્ર જાણકાર મિકેનિક દ્વારા જ કરાવવું જોઈએ. કારમાં આગ લાગવાનું બીજું કારણ સમયસર સર્વિસિંગ ન થવું પણ છે.
લીકેજ સમયાંતરે ચેક કરાવો
આ સિવાય આ દિવસોમાં કારમાં આવી રહેલી નવી ટેક્નોલોજી પણ ઘણી રીતે ખતરનાક સાબિત થઈ શકે છે. તેમાં ફ્યુઅલ ઈન્જેક્શન સિસ્ટમ પણ સામેલ છે. તેના ફાયદાની સાથે ગેરફાયદા પણ છે. જો આપણે ફાયદાઓ પર નજર કરીએ, તો તે અમારી કારને વધુ સારી કાર્યક્ષમતા આપે છે ઇંધણનો વપરાશ પણ ઓછો છે, પરંતુ જોખમ પણ એટલું જ વધારે છે. દબાણયુક્ત બળતણ પ્રણાલી કેટલીકવાર લીકેજ થવાની સંભાવના હોવાથી કારણ કે પાઈપો ઘણી જગ્યાએ જોડાયેલ હોય છે અને તે રબર દ્વારા જોડાયેલા હોય છે. આવી સ્થિતિમાં, જો તેની યોગ્ય રીતે જાળવણી કરવામાં નહીં આવે તો એન્જિનમાં સ્પાર્ક થઈ શકે છે અને આગ લાગી શકે છે.
કારમાં આગ ન લાગે એ માટે શું કરવું
– કારના એન્જિનનું ખાસ ધ્યાન રાખવાની જરૂર છે. સમયસર ઓઇલ ફિલ્ટર, એન્જિન કૂલેન્ટ અને એન્જિન ઓઇલ બદલતા રહો. તેનાથી કાર હેલ્ધી રહેશે.
– કારમાં કારણ વગરના ઇલેક્ટ્રિકલ ઉપકરણ લગાવવાથી બચો. આ તમારી કારની બેટરી પર એક્સ્ટ્રા લોડ આપે છે.
– CNG/LPG કિટ હંમેશા અધિકૃત સેન્ટરમાંથી જ લો અને ફીટ કરાવો.
– કારમાં જરૂરિયાત કરતા વધારે મોડિફિકેશન કરાવાવાથી બચો. તેનાથી કારમાં ટેક્નિકલ ખરાબી થવાની સંભાવના વધી જાય છે.
– જો આગ બોનેટની નીચે લાગી હોય ત્યારે બોનેટ ખોલવાનો પ્રયાસ ન કરો તેનાથી આગ ફેલાઇ શકે છે.
કારમાં રાખો આ જરૂરી સામાન
હથોડી- જેનાથી તમને કારનો કાંચ તોડવામાં મદદ મળશે.
કાતર- જો સીટ બેલ્ટ લોક થઇ જાય તો કાતરની મદદથી તેને કાપી શકો છો.
ફાયર સેફ્ટી- આગ લાગે ત્યારે ફાયર સેફ્ટી સામાન કામમાં લાગી શકે છે. તેની મદદથી તમે આગ પર કાબૂ મેળવી શકો છો. આગ લાગે ત્યારે પાણીથી આગ ઓલવવાનો પ્રયાસ ન કરો તેનાથી શોર્ટ સર્કિટ થવાની સંભાવના રહે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App