November 05, 2024
રશિયા-યુક્રેન યુધ્ધને(Russia-Ukraine war) કારણે સમગ્ર વિશ્વને(world) નુકશાન થયું છે. એવામાં યુક્રેનમાં(Ukraine) ચાલી રહેલા હુમલાને રોકવા માટે રશિયાએ ચાર શરતો મૂકી છે. તે જ સમયે, મોસ્કોએ કહ્યું છે કે જો કિવ આ શરતો સ્વીકારે છે, તો ટૂંક સમયમાં સૈન્ય કાર્યવાહી બંધ કરી દેવામાં આવશે. રશિયાના રાષ્ટ્રપતિ વ્લાદિમીર પુતિનની(Russian President Vladimir Putin) ઘોષણા બાદ 24 ફેબ્રુઆરીએ શરૂ થયેલા યુદ્ધને 12 દિવસ વીતી ગયા છે, પરંતુ બંને દેશો વચ્ચે હજુ સુધી કોઈ સહમતી બની નથી. રશિયા અને યુક્રેન વચ્ચે ત્રીજો રાઉન્ડ સોમવારે યોજાયો હતો. પરંતુ આનું પણ કોઈ પરિણામ આવ્યું ન હતું.
ક્રેમલિનના પ્રવક્તા દિમિત્રી પેસ્કોવએ જણાવ્યું હતું કે યુક્રેન લશ્કરી કાર્યવાહી બંધ કરવાની મોસ્કોએ માંગ કરી છે. આ સિવાય બંધારણમાં સુધારો કરવા, ક્રિમિયાને રશિયન પ્રદેશ તરીકે માન્યતા આપવા અને ડોનેટ્સક અને લુગાન્સ્કને સ્વતંત્ર રાજ્યો તરીકે માન્યતા આપવાની પણ માંગ કરી છે. ખાસ વાત એ છે કે 24 ફેબ્રુઆરી પછી પ્રથમ વખત રશિયા દ્વારા આ પ્રકારનું નિવેદન આપવામાં આવ્યું છે. રોઇટર્સ સાથે વાત કરતા, પેસ્કોવએ કહ્યું કે “યુક્રેન શરતોથી વાકેફ છે અને તેમને કહેવામાં આવ્યું છે કે તે બધું જ ક્ષણમાં બંધ થઈ શકે છે”.
ક્રેમલિનના પ્રવક્તાએ ભારપૂર્વક જણાવ્યું હતું કે રશિયા યુક્રેન પર વધુ કોઈ પ્રાદેશિક દાવાઓ કરી રહ્યું નથી. તેમણે એમ પણ કહ્યું કે તેઓ કિવની માંગ કરી રહ્યા છે તે સાચું નથી. અમે યુક્રેનમાં ડિમિલિટરાઇઝેશન (અસૈનિકીકરણ) પૂર્ણ કરી રહ્યા છીએ. અમે તેને પૂર્ણ કરીશું. પરંતુ મુખ્ય બાબત એ છે કે યુક્રેન તેની લશ્કરી કાર્યવાહી બંધ કરી દે. તેઓએ તેમની લશ્કરી કાર્યવાહી બંધ કરવી જોઈએ અને કોઈ ગોળીબાર નહિ ચાલે.
Trending News
રશિયાએ ઉત્તર, પૂર્વ અને દક્ષિણથી યુક્રેન પર હુમલો કર્યો છે. આ સમય દરમિયાન કિવ, ખાર્કિવ અને મેરીયુપોલને ખૂબ અસર થઈ છે. બીજા વિશ્વયુદ્ધ પછી યુરોપમાં શરણાર્થીઓનું સૌથી મોટું સંકટ જોવા મળ્યું છે. જેના કારણે વિશ્વના ઘણા દેશોએ રશિયા સામે પોતાની નારાજગી વ્યક્ત કરી છે. અમેરિકા સહિત ઘણા દેશોએ મોસ્કો પર કેટલાક પ્રતિબંધો લગાવ્યા છે.
યુક્રેનમાં અત્યાર સુધીમાં 406 નાગરિકોના મોતની પુષ્ટિ થઈ છે:
સંયુક્ત રાષ્ટ્ર માનવાધિકાર કાર્યાલયે કહ્યું છે કે રશિયાના આક્રમણની શરૂઆતથી યુક્રેનમાં 406 નાગરિકોના મોતની પુષ્ટિ થઈ છે. આ ઉપરાંત રવિવાર મધ્યરાત્રિ સુધી 801 લોકો ઘાયલ થયાની પણ પુષ્ટિ થઈ છે. માનવાધિકાર કાર્યાલયે કહ્યું કે તે આ સંબંધમાં કડક કાર્યવાહીનો ઉપયોગ કરે છે અને પુષ્ટિ પછી જ જાનહાનિ વિશે માહિતી આપે છે. કાર્યાલયે જણાવ્યું હતું કે સરકાર દ્વારા નિયંત્રિત વિસ્તારોમાં જાનહાનિ પ્રમાણમાં વધારે હોઈ શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.