November 05, 2024
તમે આ દુનિયામાં ઘણી અજીબોગરીબ વાતો તો સાંભળી જ હશે, પરંતુ આજે અમે તમને એક એવી છોકરી વિશે જણાવવા જઈ રહ્યા છીએ, જેના વિશે જાણીને તમે દંગ રહી જશો. બ્રિટન(Britain)માં લગભગ 150 વર્ષ પહેલા એક છોકરીનો જન્મ થયો હતો. જેણે પોતાની ઊંઘથી દુનિયાભરના લોકોને ચોંકાવી દીધા હતા. આ છોકરી એક રાતે એવી રીતે સૂઈ ગઈ કે તે 9 વર્ષ સુધી ઊંઘમાંથી જાગી ન શકી.
મળતી માહિતી મુજબ 15 મે 1859ના રોજ ઈંગ્લેન્ડમાં એલેન સેડલર નામની છોકરીનો જન્મ થયો હતો. યુવતીને કુલ 12 ભાઈ-બહેન હતા. યુવતીનો પરિવાર તુર્વિલ નામના ગામમાં રહેતો હતો. આ ગામ ઓક્સફર્ડ અને બકિંગહામશાયરની વચ્ચે આવેલું છે. આ બાળકીના જન્મ સમયે બધું બરાબર હતું, પરંતુ જ્યારે બાળકી 12 વર્ષની થઈ ત્યારે એક રાત્રે તેને એવી વિચિત્ર બીમારી થઈ ગઈ, જેણે દુનિયાભરના ડોક્ટરોને આશ્ચર્યમાં મૂકી દીધા.
એક વાર ઊંઘ્યા પછી 9 વર્ષ સુધી ન જાગી યુવતી:
બાળકીના પિતાનું બાળપણમાં જ અવસાન થયું હતું. ત્યાર પછી તેની માતાએ બીજા લગ્ન કર્યા. 29 માર્ચ 1871ના રોજ, એલેન હંમેશની જેમ તેના ભાઈ-બહેનો સાથે સૂઈ ગઈ. બીજા દિવસે સવારે જ્યારે ઘરના બાકીના લોકો જાગી ગયા હતા, પરંતુ એલન ઊંઘમાંથી જાગી ન હતી. ઘરના લોકોએ અવાજ કરીને તેને ઉભો કરવાનો પ્રયાસ કર્યો, તેના પર ઘણું પાણી રેડવામાં આવ્યું પરંતુ તે જાગી નહીં.
Trending News
જયારે પરિવારજનોને લાગ્યું કે તેણી મરી ગઈ છે. જોકે તેનો શ્વાસ ચાલી રહ્યો હતો. ત્યાર પછી તરત જ તેને ડૉક્ટર પાસે લઈ જવામાં આવ્યો. ડૉક્ટરોએ જોયું કે છોકરી સુષુપ્ત અવસ્થામાં પહોંચી ગઈ છે. ઘણા પ્રયત્નો પછી પણ ડોકટરો કંઈ કરી શક્યા ન હતા. તબીબો પણ જાણી શક્યા ન હતા કે બાળકી કઈ બીમારીથી પીડિત છે. થોડા જ સમયમાં, એલનની વાર્તાઓ સમગ્ર બ્રિટનમાં ચર્ચાનો વિષય બની ગઈ. યુવતીને જોવા માટે દેશ-દુનિયામાંથી લોકો આવતા હતા. લોકો પૈસા આપીને છોકરીને ઉઠાડવાનો પ્રયાસ કરવા માટે પરવાનગી માગતા હતા. પરિવારે લોકો પાસેથી પૈસા લઈને પણ આવા કામ કરવા દીધા હતા. જેના કારણે પરિવારની આર્થિક સ્થિતિ સુધરવા લાગી, છતાં પણ યુવતીની ઊંઘ ભાંગતી નથી.
ચમત્કાર જોવા માટે માતા ત્યાં ન હતી:
બાળકને જીવંત રાખવા માટે, માતા તેને પોર્રીજ, દૂધ જેવી વસ્તુઓ આપતી હતી. 9 વર્ષ આમ જ વીતી ગયા અને એક દિવસ છોકરીની માતાનું હાર્ટ એટેકથી અવસાન થયું. માતાના મૃત્યુના 5 મહિના પછી એક દિવસ એક ચમત્કાર થયો અને છોકરી 9 વર્ષ પછી જાગી ગઈ. જ્યારે તે સૂતી હતી ત્યારે તે 12 વર્ષની હતી અને જ્યારે તે જાગી ત્યારે તે 21 વર્ષની થઇ ગઈ હતી. જ્યારે બાળકી જાગી ત્યારે તેની માતાનું મૃત્યુ થઈ ચૂક્યું હતું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.