સ્વાસ્થ્ય માટે છે ખુબ જ ચમત્કારિક છે લીલું સફરજન, અઢળક ફાયદાઓ જાણી ચોંકી ઉઠશો

સફરજન (Apple)માં આરોગ્યનો ખજાનો છુપાયેલો છે. જો સફરજન દરરોજ ખાવામાં આવે તો સ્વાસ્થ્ય માટે ઘણા ફાયદા થઈ શકે છે. મોટાભાગની જગ્યાએ લાલ સફરજન ખાવાનો ટ્રેન્ડ છે, પરંતુ લીલા સફરજન(Green apple) સ્વાસ્થ્ય માટે ખૂબ જ ફાયદાકારક સાબિત થઈ શકે છે. લીલા સફરજનમાં કેલ્શિયમ, આયર્ન, વિટામીન અને એન્ટીઓક્સીડેન્ટ જેવા ગુણ હોય છે, જે શરીરને ફાયદો કરે છે અને રોગોને દૂર રાખે છે.

માનસિક સ્વાસ્થ્ય માટે ફાયદાકારક:
લીલા સફરજનમાં ક્વેર્સેટીન નામનું તત્વ જોવા મળે છે. માનસિક સ્વાસ્થ્યને મજબૂત કરવા માટે લીલા રંગનું સફરજન ખૂબ જ સારું માનવામાં આવે છે. જે લોકોને અલ્ઝાઈમરની બીમારી હોય તેમણે લીલા સફરજનનું નિયમિત સેવન કરવું જોઈએ.

હાડકાંને મજબૂત બનાવે છે:
લીલા સફરજનમાં સારી માત્રામાં કેલ્શિયમ હોય છે. કેલ્શિયમ હાડકાના સ્વાસ્થ્ય માટે જરૂરી છે. સ્ત્રીઓના હાડકા એક ઉંમર પછી નબળા થવા લાગે છે. આવી સ્થિતિમાં તમે રોજ લીલા સફરજનનું સેવન કરી શકો છો.

યકૃતને મજબૂત કરો:
લીલા સફરજનમાં રહેલા પોષક તત્વો લીવરને મજબૂત બનાવવાનું કામ કરે છે. લીલા સફરજનમાં એન્ટીઓક્સીડેન્ટ અને ફાઈબર મળી આવે છે. આ પાચન માટે ફાયદાકારક છે.