માતા પિતાથી છુપાઈ અગાસી પર સિગારેટ પીવા ગયો યુવક, એક નાનકડી ભૂલે કરાવ્યા યમરાજના દર્શન

જામનગર(ગુજરાત): હાલમાં જામનગર(Jamnagar)માંથી એક ચોકાવનારો કિસ્સો સામે આવ્યો છે. જેમાં કામદાર કોલોની(kamdar Colony) નજીક શુભલક્ષ્મી ફ્લેટ(Shubhalakshmi Flat)માં રહેતો યુવાન ગઇકાલે સાંજે માતા-પિતાથી છૂપાયને પોતાના ફ્લેટની અગાસી પર જઇને સિગારેટ(Cigarette) પીતો હતો. આ દરમિયાન, સિગારેટનું તણખલું બાજુમાં રહેલી પેટ્રોલ(Petrol) ભરેલી બોટલ પર પડતા અચાનક આગ ભભૂકી ઉઠી હતી.

જાણવા મળ્યું છે કે, આગની ઝપેટમાં યુવાન આવી જતા તે ગંભીર રીતે દાઝી ગયો હતો. આથી તેને સારવાર માટે પ્રથમ જામનગર સિવિલ હોસ્પિટલ અને બાદમાં વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો.

પ્રાપ્ત માહિતી અનુસાર જામનગરમાં કામદાર કોલોની પાસે આવેલા શુભલક્ષ્મી ફ્લેટમાં રહેતો ચિરાગ કિરવા નાકર નામનો યુવક ગઈકાલે તેના ફ્લેટની છત પર સિગારેટ પી રહ્યો હતો. આ દરમિયાન ત્યાં પડેલી પેટ્રોલની બોટલ પર અચાનક સિગારેટનું તણખલું પડતા આગ ભભૂકી હતી. જોતજોતામાં આગે વિકરાળ રૂપ ધારણ કર્યું અને યુવક તે આગની ઝપેટમાં આવી ગયો હતો.