બાઈક પર જઈ રહેલા બે યુવકોને ટ્રેક્ટરે મારી જોરદાર ટક્કર, ઘટના સ્થળે જ બંનેના કરુણ મોત

સાબરકાંઠા(ગુજરાત): આજકાલ રાજ્યમાં અકસ્માતના ઘણા બનાવો સામે આવી રહ્યા છે. આ દરમિયાન, સાબરકાંઠામાંથી ફરીવાર એક ગંભીર અકસ્માત સામે આવ્યો છે જેમાં બે વ્યક્તિના ઘટના સ્થળે જ કરુણ મોત નીપજ્યા છે. મળતી માહિતી મુજબ, અકસ્માત સાબરકાંઠાના હિંમતનગરમાં આવેલા નવલપુર પાટિયા નજીક સર્જાયો છે.

આ ઉપરાંત વિજાપુર રોડ ખાતે પણ એક અકસ્માત સર્જાયો હતો જેમાં બે યુવકનાં મોત થયા છે. મળતી માહિતી મુજબ, હિંમતનગરથી આવતા બાઇક ચાલકને વિજાપુર તરફથી આવતા એક ટ્રેક્ટર ચાલકે અડફેટે લીધો હતો. અકસ્માત એટલો ગંભીર હતો કે ઘટનાસ્થળે જ બે યુવકે શ્વાસ છોડ્યા હતા. આ અંગે માહિતી મળતા જ સ્થાનિક લોકો તેમેજ પોલીસ દોડી આવી હતી.