November 24, 2024
સમગ્ર દેશમાં રેપની (Rape in Gujarat) ઘટનાઓના વિરોધમાં ઉગ્ર દેખાવો થઇ રહ્યા છે. છતાં બીજી તરફ મોટા પ્રમાણમાં રેપની ઘટનાઓ સામે આવી રહી છે. સમગ્ર ભારતમાં વાયુવેગે વધતી જતી બળાત્કારની ઘટનાના કારણે દેશ હવે એક શરમજનક સ્થિતિમાં મુકાયો છે. હવે તો બળાત્કારમાં નથી જોવાતી રાત કે નથી જોવાતો દિવસ. આવા બળાત્કારીઓ પોલીસના હાથે ઝડપાયા બાદ પણ કોર્ટમાં ચાલતી લાંબી પ્રક્રિયાના કારણે જામીન પર છૂટવામાં સફળતા મેળવી લે છે. એવી જ એક ઘટના ગુજરાતના (Morbi) મોરબીમાંથી સામે આવી છે.
મોરબી નજીક રહેતી શ્રમિક પરિવારની 12 વર્ષની દીકરીનું એક શખ્સ અપહરણ કરીને માળીયા લઈ ગયો હતો. જ્યાં પોતાની પરિચિતની મદદથી તેના મકાનમાં આ શખ્સે શ્રમિક.પરિવારની પુત્રી ઉપર બળજબરીથી દુષ્કર્મ આચર્યું હતું. આ બનાવ અંગે ભોગ બનનારાના પિતાની ફરિયાદ પરથી પોલીસે બન્ને શખ્સો સામે ગુન્હો નોંધી વધુ તપાસ હાથ ધરી છે.
આ બનાવની મોરબી સીટી બી ડિવિઝન પોલીસ મથકેથી (Morbi Police) પ્રાપ્ત થતી વિગતો અનુસાર મોરબી નજીક રહેતા શ્રમિક પરિવારની 12 વર્ષીય પુત્રી પર નજર બગાડીને ગત તા.5 ના રોજ રાત્રીના સમયે તેણીનું અપહરણ કરીને વિજય તેજાભાઈ અંગેચણીયા નામનો શખ્સ માળીયા લઈ ગયો હતો. માળીયામાં રહેતા તેના પરિચિત ડાડો મિયાણાએ પોતાનું મકાન રહેવા માટે વિજય તેજાભાઈ અંગેચણીયાને આપ્યું હતું. આથી આ શખ્સે તેના મકાનમાં સગીરા ઉપર બળજબરીથી દુષ્કર્મ આચર્યું હતું. તેમજ સગીરાને ઓરડીમાં ગોંધી રાખી હતી.
Trending News
આ સમગ્ર ઘટના બાદ સગીરાએ પોતાના પિતાને સઘળી હકીકત જણાવતા તેણીના પિતાએ આ બનાવની બી ડિવિઝન પોલીસ મથકે ફરિયાદ નોંધાવી હતી. આથી બી ડિવિઝન પોલીસે આ બનાવની ફરિયાદ પરથી આરોપી વિજય તેજાભાઈ અંગેચણીયા અને દુષ્કર્મ કેસમાં મદદગારી કરનાર માળીયાના ડાડો મિયાણા નામના શખ્સ સામે મદદગારીનો ગુન્હો નોંધી આ બન્ને આરોપીને ઝડપી લેવા તપાસ હાથ ધરી છે. આ બનાવની વધુ તપાસ બી ડિવિઝન પીઆઇ કોંઢીયા ચાલવી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle