November 16, 2024
IND vs SA Final: T20 વર્લ્ડ કપ 2024ની ટ્રોફી તેમના હકદાર સુધી પહોંચવા માટે લગભગ એકદમ દુર છે. ગતરોજ ભારતીય ટીમે ઇંગ્લેન્ડને 68 રનથી હરાવીને ફાઇનલમાં(IND vs SA Final) પ્રવેશ કર્યો છે. ટીમ ઈન્ડિયાએ સેમીફાઈનલ મેચમાં શાનદાર પ્રદર્શન કર્યું છે. ભારતીય ટીમે ત્રીજી વખત ફાઇનલમાં જગ્યા બનાવી છે.
ભારતીય ટીમ T20 વર્લ્ડ કપ 2024ની ફાઇનલમાં 29 જૂને બ્રિજટાઉન, બાર્બાડોસ ખાતે IST રાત્રે 8:00 વાગ્યે દક્ષિણ આફ્રિકા સામે ટકરાશે. બંને ટીમોએ ટૂર્નામેન્ટમાં અત્યાર સુધી સારું પ્રદર્શન કર્યું છે અને એક પણ મેચ હારી નથી. પરંતુ હવે ફાઈનલ મેચમાં વરસાદનો ખતરો તોળાઈ રહ્યો છે.
વરસાદ મજા બગાડી શકે છે
AccuWeather ના અહેવાલ મુજબ, બ્રિજટાઉન, બાર્બાડોસમાં 29 જૂને દિવસ દરમિયાન વરસાદની સંભાવના 78% સુધી છે. આ સાથે જોરદાર પવન પણ ફૂંકાઈ શકે છે અને વાદળછાયું રહેવાની ધારણા છે. રાત્રે વરસાદની સંભાવના 87 ટકા છે. 30 જૂન ફાઇનલ મેચ માટે રીઝર્વ ડે છે. પરંતુ આ દિવસે પણ વરસાદનો ખતરો છે અને વરસાદ ક્રિકેટ ચાહકોની મજા બગાડી શકે છે. 30 જૂને વરસાદની સંભાવના 61 ટકા અને રાત્રે 49 ટકા સુધી છે. આવી સ્થિતિમાં રિઝર્વ ડે પર પણ મેચ યોજાય તેવી કોઈ શક્યતા નથી.
Trending News
બંને ટીમો વિજેતા બની શકે છે
આઈસીસીએ ભારત અને દક્ષિણ આફ્રિકા વચ્ચેની ફાઈનલ મેચ માટે 30 જૂનને રીઝર્વ ડે દિવસ તરીકે રાખ્યો છે. સૌથી પહેલા 29 જૂને મેચ યોજવા માટે તમામ શક્ય પ્રયાસો કરવામાં આવશે. જો કોઈક રીતે ત્યાં કોઈ મેળ નથી. ત્યારબાદ રિઝર્વ ડે પર રમાશે. રિઝર્વ ડે પર, મેચ ત્યાંથી શરૂ થશે જ્યાં તે 29 જૂને બંધ થઈ હતી. જો વરસાદ કે અન્ય કોઈ કારણસર રિઝર્વ ડે પર પણ મેચ નહીં રમાય તો બંને ટીમોને સંયુક્ત વિજેતા જાહેર કરવામાં આવશે.
ભારતીય ટીમે એકવાર ટાઇટલ જીત્યું છે
રોહિત શર્માની કેપ્ટન્સીમાં ટીમ ઈન્ડિયાએ વર્તમાન T20 વર્લ્ડ કપમાં શાનદાર પ્રદર્શન કર્યું છે. આ વર્લ્ડ કપમાં ટીમ ઈન્ડિયાએ સતત 7 મેચ જીતી છે. આ પહેલા ટીમ ઈન્ડિયા કોઈ પણ T20 વર્લ્ડ કપની એક પણ એડિશનમાં આટલી બધી મેચ જીતી શકી નથી. ભારતીય ટીમે T20 વર્લ્ડ કપ 2007 અને 2014ની ફાઇનલમાં પણ જગ્યા બનાવી હતી. ભારતે T20 વર્લ્ડ કપ 2007ની ફાઇનલમાં પાકિસ્તાનને હરાવીને ટાઇટલ જીત્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App