January 08, 2025
IND VS AUS: ઓસ્ટ્રેલિયાએ સિડની ટેસ્ટમાં ભારતને 6 વિકેટથી હરાવ્યું છે. આ સાથે ઓસ્ટ્રેલિયાએ બોર્ડર-ગાવસ્કર ટ્રોફી (BGT 2024-25)માં 3-1થી જીત મેળવી છે. છેલ્લા 10 વર્ષમાં આ પ્રથમ વખત છે જ્યારે ટીમ ઈન્ડિયા બોર્ડર-ગાવસ્કર ટ્રોફી જીતવામાં (IND VS AUS) સફળ રહી નથી. સિડની ટેસ્ટની ચોથી ઇનિંગમાં ઓસ્ટ્રેલિયાને 162 રનનો ટાર્ગેટ મળ્યો હતો જેને કાંગારુઓએ 4 વિકેટ ગુમાવીને હાંસલ કરી લીધો હતો.
કાંગારૂ ટીમને 181 રનમાં સમેટી દીધી
આ મેચમાં ભારતે ટોસ જીતીને પ્રથમ બેટિંગ કરવાનું પસંદ કર્યું, જે દેખીતી રીતે જ ખોટું સાબિત થયું. રોહિતે આ મેચમાંથી પોતાને બહાર કરી દીધો હતો, જેના કારણે જસપ્રીત બુમરાહ કેપ્ટન્સી કરતો જોવા મળ્યો હતો. ટીમ ઈન્ડિયાનો પ્રથમ દાવ 185 રન પર સમેટાઈ ગયો હતો. ભારતીય બેટિંગ લાઇન અપ ફરી નિષ્ફળ સાબિત થઈ, પરંતુ બોલરોએ ટીમ ઈન્ડિયા માટે પુનરાગમન કર્યું અને કાંગારૂ ટીમને 181 રનમાં સમેટી દીધી. આ રીતે ભારતે 4 રનની લીડ મેળવી લીધી હતી.
ઓસ્ટ્રેલિયાએ 162 રનનો લક્ષ્યાંક હાંસલ કર્યો
સિડની ટેસ્ટના બીજા દિવસે જસપ્રીત બુમરાહ લંચ બ્રેક બાદ માત્ર એક ઓવર જ ફેંકી શક્યો હતો, ત્યારબાદ તે ડ્રેસિંગ રૂમમાં પાછો ફર્યો હતો. ઓસ્ટ્રેલિયાનો પ્રથમ દાવ 181 રનમાં ઓલઆઉટ થઈ ગયો હતો. બીજી ઇનિંગમાં પણ ભારતીય બેટ્સમેનો નિષ્ફળ સાબિત થયા હતા. રિષભ પંતે 33 બોલમાં 61 રનની શાનદાર ઈનિંગ રમી હતી, જેના કારણે ભારતને બીજી ઈનિંગમાં 150 રનનો સ્કોર પાર કરવામાં મદદ મળી હતી. ભારતે બીજી ઇનિંગમાં 157 રનમાં ઓલઆઉટ થતાં ઓસ્ટ્રેલિયાને 162 રનનો ટાર્ગેટ આપ્યો હતો.
Trending News
#BorderGavaskarTrophy | Australia (181 & 162/4) beat India (185 & 157) by 6 wickets in the 5th test in Melbourne.
Australia won the 5-match Border Gavaskar Trophy Series 3-1.
(Pic: ICC) pic.twitter.com/d35rkK30fz
— ANI (@ANI) January 5, 2025
ટ્રેવિસ હેડ અને બ્યુ વેબસ્ટરે ભારતની જીત છીનવી લીધી
જસપ્રીત બુમરાહ ત્રીજા દિવસે બેટિંગ કરવા આવ્યો હતો, પરંતુ બોલિંગ કરવા માટે ફિટ નહોતો. તેમની ગેરહાજરીમાં, કૃષ્ણાએ ધમાલ મચાવી, પરંતુ તેમને બીજા છેડેથી સમર્થન મળ્યું નહીં. એક સમયે ઓસ્ટ્રેલિયાનો સ્કોર 58 રનના સ્કોર પર 3 વિકેટે હતો.
પરંતુ અહીંથી ટ્રેવિસ અને ઉસ્માન ખ્વાજાએ 46 રનની ભાગીદારી કરીને ઓસ્ટ્રેલિયાની જીતનો પાયો નાખ્યો હતો. ખ્વાજાએ 41 રન બનાવ્યા અને ત્યારબાદ હેડે બ્યૂ વેબસ્ટર સાથે મળીને પોતાની ટીમની જીત સુનિશ્ચિત કરી. હેડે 34 રનની ઇનિંગ રમી હતી અને વેબસ્ટરે 39 રનની અણનમ ઇનિંગ રમી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App