ભારતીય ક્રિકેટ ટીમે રચ્યો ઈતિહાસ, એવું કરી બતાવ્યું જે આજ સુધી કોઈ ટીમ કરી શકી નથી

ભારતીય ક્રિકેટ ટીમે આઈસીસી(ICC) અંડર 19 ક્રિકેટ વર્લ્ડ કપની સેમિ ફાઇનલમાં સ્થાન બનાવી લીધું છે. મંગળવારે રમાયેલી ક્વાર્ટર ફાઇનલ મેચમાં ટીમ ઇન્ડિયાએ ઓસ્ટ્રેલિયાને 74 રને હરાવ્યું હતું. ભારતે પ્રથમ બેટિંગ કરતા 50 ઓવરમાં 9 વિકેટે 233 રન બનાવ્યા હતા. જવાબમાં ઓસ્ટ્રેલિયા 44.3 ઓવરમાં 159 રનમાં ઓલઆઉટ થઈ ગયું હતું.

ભારતની આ જોરદાર જીતમાં યશસ્વી જાયસ્વાલે 62 અને અથર્વ અંકોલેકરે નોટઆઉટ રહીને 55 રન બનાવ્યા હતા. ફાસ્ટ બોલર કાર્તિક ત્યાગીએ 4 અને આકાશ સિંહે 3 વિકેટો પણ ઝડપી હતી. ભારતની અંડર-19 ટીમે સતત 10મો વિજય મેળવ્યો હતો. આવી સિદ્ધિ મેળવનાર ભારત દુનિયાની પ્રથમ ટીમ બની ચુકી છે. ભારતે ઓસ્ટ્રેલિયાનો વર્લ્ડ રેકોર્ડ તોડ્યો છે. જે 2002-20 દરમિયાન સતત 9 મેચ જીત્યું હતું.