December 18, 2024
Canada Crime News: કેનેડામાં એક ભારતીય વિદ્યાર્થીની ગોળી મારીને હત્યા કરી દેવામાં આવી છે. 20 વર્ષીય ભારતીય વિદ્યાર્થીનું નામ હર્ષદીપ સિંહ છે. હર્ષદીપને શુક્રવારે કેનેડાના (Canada Crime News) એડમોન્ટનમાં તેના એપાર્ટમેન્ટમાં ગોળી મારી દેવામાં આવી હતી. આ સમગ્ર ઘટના સીસીટીવી કેમેરામાં કેદ થઈ છે. પોલીસે 2 શંકાસ્પદોની ધરપકડ કરી છે. આ હત્યાકાંડથી સમગ્ર વિસ્તારમાં ખળભળાટ મચી ગયો છે.
સિક્યોરિટી ગાર્ડ હતો હર્ષદીપ
મીડિયાના રિપોર્ટ્સ પ્રમાણે આ ઘટના શુક્રવારે રાત્રે 12.30 વાગ્યે બની હતી. અભ્યાસની સાથે સાથે હર્ષદીપ સિક્યોરિટી ગાર્ડ તરીકે કામ કરતો હતો. પરંતુ શુક્રવારે તેની હત્યા કરવામાં આવી હતી. પોલીસનું કહેવું છે કે, શનિવારે બે શંકાસ્પદોની ધરપકડ કરવામાં આવી છે. બંનેની ઉંમર 30 વર્ષની આસપાસ છે. બંને પર ફર્સ્ટ ડિગ્રી મર્ડરનો આરોપ છે.
ડોક્ટરોએ તેને મૃત જાહેર કર્યો હતો
પોલીસે જણાવ્યું કે, 107 એવન્યુ વિસ્તારમાંથી કોલ આવ્યો હતો કે, એપાર્ટમેન્ટમાં ગોળીબાર થયો છે. પોલીસ તાત્કાલિક ઘટનાસ્થળે પહોંચી ત્યારે હર્ષદીપની લાશ મળી આવી હતી. હર્ષદીપનું મૃત્યુ થયું હતું. તેને હોસ્પિટલ લઈ જવામાં આવ્યો, જ્યાં ડોક્ટરોએ પણ તેને મૃત જાહેર કર્યો.
Trending News
સમગ્ર ઘટના CCTVમાં કેદ
આ સમગ્ર ઘટના એપાર્ટમેન્ટમાં લાગેલા સીસીટીવી કેમેરામાં કેદ થઈ છે. આ વીડિયોમાં સ્પષ્ટપણે જોઈ શકાય છે કે 3 લોકોની ગેંગે હર્ષદીપને પહેલા સીડી પરથી નીચે ફેંક્યો અને પછી પાછળથી તેના પર ગોળીબાર કર્યો. હર્ષદીપનું ઘટનાસ્થળે જ મોત થયું હતું. થોડા સમય પછી સીટીવી વીડિયોમાં એક મહિલા અને એક પુરુષ દેખાય છે.
It is deeply heartbreaking to see that a 20 year old Harshandeep Singh working as a security guard in #Edmonton, lost his life in such a tragic & senseless act of violence.
We urge authorities to ensure thorough investigations & take steps to prevent such tragedies in future. pic.twitter.com/uCokcgJ6mc
— Jagdip Singh Kahlon (@jagdipskahlon) December 8, 2024
આ વ્યક્તિના હાથમાં બંદૂક છે, અને તે સતત બૂમો પાડી રહ્યો છે. જ્યારે મહિલા અને કેટલાક લોકો તેની આસપાસ ઉભા છે. આ પછી જ બધાએ ભેગા મળીને હર્ષદીપને સીડી નીચે ફેંકી દીધો અને તેના પર ગોળીબાર શરૂ કર્યો. જો કે કેનેડિયન પોલીસે હજુ સુધી વીડિયોની પુષ્ટિ કરી નથી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App