April 26, 2024
IPL 2023 Punjab vs Gujarat: IPL 2023 પંજાબ vs ગુજરાતનો કેપ્ટન હાર્દિક પંડ્યા (Hardik Pandya) મેદાનમાં ઉતરશે ઈન્ડિયન પ્રીમિયર લીગ (IPL) 2023 સીઝનની 18મી મેચ આજે (13 એપ્રિલ) મોહાલીમાં રમાશે. આ મેચ પંજાબ કિંગ્સ (PBKS) અને ગુજરાત ટાઇટન્સ (GT) વચ્ચે રમાશે. આ મેચ સાંજે 7.30 કલાકે શરૂ થશે. બંને ટીમો તેમની છેલ્લી મેચ હાર્યા બાદ આવી રહી છે.
છેલ્લી મેચમાં છેલ્લી ઓવરમાં રિંકુ સિંહ (Rinku Singh) ની 5 સિક્સરથી અણધારી હારનો સામનો કરનાર ડિફેન્ડિંગ ચેમ્પિયન ગુજરાત ટાઇટન્સ (Gujarat Titans) નવેસરથી શરૂઆત કરશે. સાથે જ પંજાબ કિંગ્સ (Punjab Kings) સામે જીતના માર્ગે પરત ફરવાનો પ્રયાસ કરશે.
કોલકાતા નાઈટ રાઈડર્સ સામેની છેલ્લી મેચમાં ગુજરાતના સ્ટેન્ડ-ઈન કેપ્ટન રાશિદ ખાને હેટ્રિક લીધી હતી, સાઈ સુદર્શન અને વિજય શંકરે શાનદાર ઈનિંગ્સ રમી હતી, પરંતુ રિંકુના બેટમાંથી નીકળેલા તોફાનમાં બધું જ ધોવાઈ ગયું હતું. રિંકુએ છેલ્લી ઓવરમાં પાંચ સિક્સર ફટકારીને KKRને ચમત્કારિક જીત અપાવી હતી. ગુજરાત આ હારને લાંબા સમય સુધી યાદ રાખશે, પરંતુ હવે તેણે આગામી મેચ પર ધ્યાન કેન્દ્રિત કરવું પડશે.
ત્રણ મેચમાં ચાર પોઈન્ટ સાથે પોઈન્ટ ટેબલમાં ચોથા સ્થાને રહેલા ગુજરાતે આત્મવિશ્વાસથી ભરપૂર પંજાબ સામે શાનદાર રમત બતાવવી પડશે. વર્તમાન ફોર્મ પર નજર કરીએ તો, સનરાઈઝર્સ હૈદરાબાદ સામે 8 વિકેટની હાર સિવાય, પંજાબે શાનદાર પ્રદર્શન કર્યું છે, જે કેપ્ટન શિખર ધવન અને ઝડપી બોલર અર્શદીપ સિંહના ફોર્મને આભારી છે. બીજા છેડેથી વિકેટો પડવા છતાં ધવને સનરાઇઝર્સ સામે 99 રન બનાવ્યા હતા, જોકે ટીમને હારથી બચાવી શક્યો નહોતો.
Trending News
આ પછી તેણે રાજસ્થાન રોયલ્સ સામે અણનમ 86 અને કેકેઆર સામે 40 રન બનાવીને ટીમને જીત અપાવી હતી. ગુજરાતનો કેપ્ટન હાર્દિક પંડ્યા સારી રીતે જાણે છે કે ધવન શું કરી શકે છે. આ મેચ પણ ધવન અને શુભમન ગિલ વચ્ચે થશે, કારણ કે ધવનનું લક્ષ્ય હજુ પણ પોતાની યોગ્યતા સાબિત કરીને વર્લ્ડ કપની ટીમમાં જગ્યા બનાવવાનું રહેશે.
ધવન અને તેના યુવા ઓપનિંગ પાર્ટનર પ્રભસિમરન સિંહે પાવરપ્લે ઓવરમાં પંજાબને ફ્લાઈંગ સ્ટાર્ટ અપાવ્યું છે અને તે મોહમ્મદ શમી, હાર્દિક અને રાશિદ સામે સમાન વ્યૂહરચના હશે. પંજાબ પાસે IPLના ઈતિહાસનો સૌથી મોંઘો ખેલાડી સેમ કરન છે, જેને લિયામ લિવિંગસ્ટોન અને જીતેશ શર્મા સપોર્ટ કરશે. બોલિંગમાં અર્શદીપની સાથે નાથન એલિસ હશે. ગુજરાત પાસે ગિલ, સુદર્શન અને શંકર જેવા મેચ વિનર છે. શંકરે છેલ્લી મેચમાં 24 બોલમાં 63 રન બનાવ્યા હતા. બોલિંગમાં શમી, જોશ લિટલ, અલઝારી જોસેફ અને રાશિદ છે.
પંજાબ કિંગ્સ: પ્રભસિમરન સિંહ/ઋષિ ધવન (ઈમ્પેક્ટ પ્લેયર), ભાનુકા રાજપક્ષે, જીતેશ શર્મા (વિકેટકીપર), શિખર ધવન (કેપ્ટન), લિયામ લિવિંગસ્ટોન, શાહરૂખ ખાન, સેમ કરણ, હરપ્રીત બ્રાર, રાહુલ ચહર નાથન એલિસ, અને અર્શદીપ સિંહ.
ગુજરાત ટાઇટન્સઃ રિદ્ધિમાન સાહા (વિકેટકીપર), શુભમન ગિલ, હાર્દિક પંડ્યા (કેપ્ટન), સાઈ સુદર્શન/જોશ લિટલ (ઈમ્પેક્ટ પ્લેયર), વિજય શંકર, રાહુલ તેવટિયા, ડેવિડ મિલર, રાશિદ ખાન, મોહમ્મદ શમી, અલઝારી જોસેફ અને આર સાઈ કિશોર.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
