July 05, 2024
સંરક્ષણ પ્રધાન રાજનાથ સિંહ જમ્મુ-કાશ્મીરના પ્રવાસ પર છે. આજે રાજનાથ સિંહ અમરનાથ યાત્રા પર પહોંચ્યા છે, જ્યાં તેમણે બાબા બર્ફાનીના દર્શન કર્યા. સુરક્ષા વ્યવસ્થાનો પણ સમિક્ષા કરી હતી. રાજનાથ સિંહ સાથે સીડીએસ બિપિન રાવત અને આર્મી ચીફ નરવાને પણ હાજર હતા. શુક્રવારે રાજનાથ સિંહ લદ્દાખ પહોંચ્યા હતા. સંરક્ષણ પ્રધાનની સાથે અમરનાથની ગુફામાં સીડીએસ બિપિન રાવત અને આર્મી ચીફ જનરલ એમ.એમ.નરવાણે પણ હાજર છે.
લદ્દાખમાં રાજનાથસિંહે આડકતરી રીતે ચીનને ચેતવણી આપી હતી કે ભારતની એક ઇંચની જમીન કોઈ લઈ શકે નહીં. રાજનાથસિંહે એલએસી સુધી પહોંચી સૈનિકોને પ્રોત્સાહિત કર્યા. રાજનાથસિંહે કહ્યું કે અમને ભારતીય સેના પર ગર્વ છે.
લદ્દાખમાં સૈનિકોને સંબોધન કરતા સંરક્ષણ પ્રધાન રાજનાથસિંહે કહ્યું કે ભારત વિશ્વનો એકમાત્ર એવો દેશ છે જેણે સમગ્ર વિશ્વને શાંતિનો સંદેશ આપ્યો છે. અમે ક્યારેય કોઈ દેશ પર આક્રમણ કર્યું નથી, કે કોઈ દેશની જમીન પર કબજો કર્યો નથી. ભારતે વસુધૈવ કુટુંબકમનો સંદેશ આપ્યો છે.
રાજનાથસિંહે કહ્યું કે આપણે અશાંતિ નથી માંગતા, શાંતિ જોઈએ છે. અમારું પાત્ર એવું રહ્યું છે કે આપણે ક્યારેય કોઈ દેશના સ્વાભિમાનને ઠેસ પહોંચાડવાનો પ્રયાસ કર્યો નથી. જો ભારતના સ્વાભિમાનને ઠેસ પહોંચાડવાનો પ્રયાસ કરવામાં આવે છે, તો અમે તેને સહન કરીશું નહીં અને યોગ્ય જવાબ આપીશું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
Trending News
https://play.google.com/store/apps/details?id=com.trishul.news