જો આવું થયું તો કાયમ માટે બંધ થઇ જશે બદ્રીનાથ-કેદારનાથ ધામના દ્વાર – વાંચો એક રહસ્યમય સત્ય ઘટના

જોશીમઠ(Joshimath Temple) પવિત્ર ધાર્મિક સ્થળોમાંનું એક છે અને આ સ્થળ આજકાલ વારંવાર જમીન ધસી જવાને કારણે ચર્ચામાં છે. આ પવિત્ર સ્થળ બરફથી ઢંકાયેલ હિમાલયની પર્વતમાળાઓથી ઘેરાયેલું છે અને હિંદુઓ માટે ઘણા મહત્વપૂર્ણ તીર્થસ્થાનો ધરાવે છે, જેમાંથી એક ભગવાન નરસિંહનું મંદિર(Narsingh Devta Temple Joshimath) છે. આ મંદિરમાં ભગવાન નરસિંહની મૂર્તિ આદિ શંકરાચાર્ય(Adi Shankaracharya) દ્વારા સ્થાપિત કરવામાં આવી હતી. આ મૂર્તિની એક બાજુ સતત પાતળી થતી જાય છે. આ અંગે ઘણી માન્યતાઓ છે. પરંતુ આ રહસ્ય પાછળ પણ કેટલીક રસપ્રદ વાતો છે. આવો જાણીએ જોશીમઠમાં ભગવાન નરસિંહના હાથ કેમ પાતળા થઈ રહ્યા છે.

જોશીમઠના પ્રસિદ્ધ નરસિંહ મંદિરમાં આખા વર્ષ દરમિયાન લોકો આવે છે અને એવું કહેવાય છે કે આ મંદિર લગભગ એક હજાર વર્ષ જૂનું છે. શિયાળાની ઋતુમાં ભગવાન બદ્રીનાથ આ મંદિરમાં આવે છે અને નિવાસ કરે છે, આ ભગવાન બદ્રીનાથનું શિયાળુ આસન છે. અહીં તેમની પૂજા થાય છે. એવું માનવામાં આવે છે કે જોશીમઠના ભગવાન નરસિંહના દર્શન કર્યા વિના ભગવાન બદ્રીનાથની યાત્રા પૂર્ણ માનવામાં આવતી નથી. એટલા માટે આ મંદિરને નરસિંહ બદ્રી પણ કહેવામાં આવે છે.

ભગવાન નરસિંહના આ મંદિરને લઈને ઘણા મંતવ્યો છે, પરંતુ રાજતરંગિણી ગ્રંથમાં કહેવામાં આવ્યું છે કે આ મંદિર આઠમી સદીમાં બનાવવામાં આવ્યું હતું. આ મંદિરનું નિર્માણ કાશ્મીરના રાજા લલિતાદિત્ય મુક્તપીડાએ કરાવ્યું હતું. એક માન્યતા એવી પણ છે કે પાંડવોએ આ મંદિરનો પાયો નાખ્યો હતો. ઉપરાંત, અન્ય માન્યતા અનુસાર, ભગવાન નરસિંહની મૂર્તિની સ્થાપના આદિ ગુરુ શંકરાચાર્ય દ્વારા કરવામાં આવી હતી કારણ કે તેઓ ભગવાન નરસિંહને તેમના પ્રમુખ દેવતા માનતા હતા. આ મંદિરમાં આદિગુરુ શંકરાચાર્યની બેઠક પણ છે. જ્યારે કેટલાક લોકો માને છે કે આ મૂર્તિ સ્વયં પ્રગટ હતી.

ભગવાન નરસિંહની મૂર્તિ શાલિગ્રામની બનેલી છે:
નૃસિંહ બદ્રી મંદિરમાં દેવતાની મૂર્તિ લગભગ 10 ઇંચની છે અને તે શાલિગ્રામ પથ્થરની બનેલી છે. મંદિરમાં ભગવાન નરસિંહની મૂર્તિ કમળ પર બિરાજમાન છે. મંદિરમાં ભગવાન નરસિંહ ઉપરાંત બદ્રીનારાયણ, કુબેર, ઉદ્ધવની મૂર્તિઓ પણ છે. સાથે જ ભગવાન નરસિંહની જમણી બાજુ રામ, સીતા, હનુમાનજી અને ગરુડની મૂર્તિઓ પણ સ્થાપિત છે અને ડાબી બાજુ કાલિકા માતાની મૂર્તિ સ્થાપિત છે.