પદ્મ પુરસ્કારથી સન્માનિત ફક્ત 4 ચોપડી ભણેલાં દાદુદાન ગઢવીનાં શબ્દોની ગુંજ ગુજરાતના ચારેયખૂણે પ્રસરી રહી છે…

કેન્દ્ર સરકાર દ્વારા વર્ષ 2021 ના પદ્મ એવોર્ડથી જાહેરાત કરવામાં આવી છે. જેમાંથી ગુજરાતના પૂર્વ મુખ્યમંત્રી કેશુભાઇ પટેલ તથા સવાયા ગુજરાતી ફાધર વાલેસ સહિત કુલ 5 ગુજરાતી હસ્તીઓને પદ્મ પુરસ્કારથી સન્માન કરવામાં આવ્યું છે.

કેશુભાઇ પટેલને મરણોપરાંત પદ્મભૂષણ જ્યારે મહેશ નરેશ કનોડિયા બેલડીને મરણોપરાંત, દાદુદાન ગઢવી, ડૉ. ચંદ્રકાંત મહેતા તથા ફાધર વાલેસને પદ્મ પુરસ્કાર એનાયત કરવામાં આવ્યા છે.  આવો જાણીએ ગુજરાત સાહિત્ય જગતમાં કવિ દાદ એટલે કે, દાદુદાન ગઢવીની આગવી વિશેષતા.

ફક્ત 4 ચોપડી ભણ્યા છે દાદુદાન ગઢવી :
દાદુદાન ગઢવી કવિ દાદના હુલામણા નામથી ખુબ જાણીતાં બન્યાં છે. જુનાગઢના આ કવિ દાદ પદ્મશ્રીથી સન્માનિત કરવામાં આવશે. મૂળ ઈશ્વરીયા ગીરના તથા વર્ષોથી જુનાગઢમાં નિવાસ કરતાં 82 વર્ષીય કવિ દાદનું નામ સાહિત્ય માટેના પદ્મશ્રીમાં જાહેર કરવામાં આવ્યું છે.

આવા સમયે કવિ દાદને પદ્મશ્રી એવોર્ડ મળતાં ગુજરાત તથા ચારણ સમાજનાં ગૌરવમાં વધારો થયો છે. દાદુદાન પ્રતાપદાન ગઢવી કવિ દાદના ઉપનામથી ખુબ પ્રખ્યાત બન્યાં છે. ફક્ત 4 ચોપડી ભણ્યાં હોવા છતાં પણ ગુજરાતી સાહિત્ય ક્ષેત્રમાં કવિ દાદનું મોટું યોગદાન રહેલું છે.