કર્ણાટકની આ મહિલાએ કેળાના લોટમાંથી બનાવ્યા સ્વાદિષ્ટ ગુલાબ જાંબુ- જાણો રેસીપી બનાવવાની રીત

આજની મહિલાઓ કઈકને કઈક નવું કરી બતાવવાની ભાવના ધરાવતી હોય છે ત્યારે હાલમાં માન્યમાં ન આવે એવી જાણકારી સામે આવી છે. કર્ણાટકમાં આવેલ અત્થિકેટ ગામમાં રહેતી 43 વર્ષીય નૈના આનંદ કેળાના લોટમાં સોપારી તથા નારિયેળ મિક્સ કરીને ખુબ ટેસ્ટી ડિશ બનાવવા માટે પ્રખ્યાત છે. જેમાંથી એક ગુલાબ જાંબુ પણ છે કે, જે એણે બનાવ્યા છે.

જે ખુબ દૂર દૂર સુધી જાણીતા બન્યા છે. તેને આ કામની શરૂઆત આ સમયે કરી હતી કે, જ્યારે તેને એક ખેડૂતે કેટલાક પાકા તેમજ કાચા કેળા ભેટમાં આપ્યા હતા. શરૂઆતમાં તેને તેમાંથી કેટલીક મીઠાઈઓ બનાવી હતી પણ ત્યારપછી આ વાતનો અહેસાસ પણ થયો હતો કે, તેમાંથી અમુક કેળા ખરાબ થઈ ગયા હતા.

નૈનાના જણાવ્યા મુજબ, એકવાર કર્ણાટકના પત્રકારને મળી ત્યારે કહ્યું હતું કે, તે એનિટાઈમ વેજિટેબલ નામથી એક વ્હોટ્સએપ ગ્રુપ ચલાવે છે. આ ગ્રુપ ગામડાના ખેડૂતોને પરસ્પર કનેક્ટ કરવાનું કામ કરે છે. આ રીતે તે કૃષિ વિજ્ઞાન કેન્દ્રમાં જિસ્સી જ્યોર્જની સાથે જોડાઈ જે એક સંશોધક છે.

જ્યોર્જ સાથે તે કાચા તથા પાકેલા કેળામાંથી લોટ બનાવવાનું શીખી હતી. નૈના આ લોટનો ઉપયોગ રોટલી તેમજ અન્ય કેટલીક ડિશ બનાવવામાં કરવા લાગી હતી. એક દિવસ તેને કેળાના ગુલાબ જાંબુ બનાવ્યા હતા. આની માટે તેને કેળાના લોટને મિલ્ક પાઉડર, પાણી તેમજ દૂધમાં ભેળવીને એના નાના લોઆ બનાવ્યા હતા કે, જેને ગુલાબ જાંબુનો શેપ આપ્યો હતો.