શોખ માટે બાઈક-કારની ડીઝાઇન-કલરમાં ફેરફાર કરતા પહેલા વાંચી લેજો આ નિયમો- નહીતર ખાલી થઇ જશે ખિસ્સા

જો તમે પણ તમારી કાર અથવા બાઈકમાં ફેરફાર કરવાનું વિચારી રહ્યા છો, તો આ સમાચાર તમારા માટે ખૂબ જ જરૂરી છે. કારણ કે કારને મોડિફાઇ કરાવવાની પ્રક્રિયામાં ઘણી વખત તેઓ ટ્રાફિકના નિયમોની અવગણના કરે છે. આ કારણે, તમારે પછીથી મોટા ચલણ ચૂકવવા પડશે. આવું જ કંઈક ઈન્દોરના અનાજ વેપારી વિશાલ ડાબર સાથે થયું છે.

ખરેખર, વિશાલે તેની લક્ઝરી કાર BMWનો રંગ બદલ્યો હતો. આ સિવાય કારમાં કેટલાક નાના ફેરફારો કરવામાં આવ્યા છે. જ્યારે ઈન્દોર પોલીસને આ અંગેની જાણ થઈ તો તેણે વિશાલ ડાબર વિરુદ્ધ કાર્યવાહી કરી અને તેનું ચલણ કાપી નાખ્યું.

અનાજના વેપારી વિશાલ ડાબરે આ BMW કાર હરિયાણાથી ખરીદી હતી. આ પછી તેણે આ કારનો મૂળ રંગ બદલીને તેને મેટાલિક કલરમાં કરાવ્યો. વિશાલ ડાબરે જણાવ્યું કે, દિલ્હીમાં મોડિફિકેશન દરમિયાન દુકાનદારે તેમને કહ્યું કે આ કાયદાકીય રીતે ખોટું છે. કારનો રંગ બદલવામાં કુલ 48 હજાર રૂપિયાનો ખર્ચ થયો હતો.

આ BMW કારને લઈને એક વીડિયો વાયરલ થયો હતો, જેમાં તે કહેતો હતો કે અહીં ટ્રાફિકના નિયમો એટલા કડક નથી અને તેનું ઉલ્લંઘન કરવામાં કોઈ ફરક નથી. આ પછી, વીડિયોની જાણ થતાં, ટ્રાફિક પોલીસે વાયરલ વીડિયોની તપાસ કરી, ત્યારબાદ વાહન શોધીને તેની સામે કાર્યવાહી કરી.