May 19, 2024
પટના (Patna) માં મજુરી કામ કરતા માતા પિતાનો પુત્ર હવે અમેરિકા (America) માં અભ્યાસ કરશે. ફુલવારી શરીફના ગોનપુરા ગામના રહેવાસી પ્રેમને અમેરિકાની પ્રતિષ્ઠિત લાફાયેટ કોલેજ (Lafayette College) દ્વારા 2.5 કરોડ રૂપિયાની સ્કોલરશીપ આપવામાં આવી છે. 17 વર્ષના પ્રેમની આ સિદ્ધિ પર તેના પિતા જ નહીં, પરંતુ બિહાર અને સમગ્ર દેશને ગર્વ છે.
આખી દુનિયામાં માત્ર 6 વિદ્યાર્થીઓની જ પસંદગી કરવામાં આવી છે. જેમાં પટનાનો પ્રેમ પણ સામેલ છે. ભારતમાં આવી સિદ્ધિ મેળવનાર પ્રેમ કદાચ પ્રથમ મહાદલિત વિદ્યાર્થી હશે. વિશ્વની સમસ્યાઓના ઉકેલ માટે પ્રતિબદ્ધ વિદ્યાર્થીઓને આ સન્માન મળે છે. પ્રેમને આ શિષ્યવૃત્તિ એક સંસ્થાની મદદથી મળી હતી.
૧૮૨૬ માં સ્થપાયેલી, લાફાયેટ કૉલેજને અમેરિકાની ટોચની 25 કૉલેજોમાં સતત સ્થાન આપવામાં આવ્યું છે. તે અમેરિકામાં “હિડન આઇવી” કોલેજોની શ્રેણીમાં ગણાય છે. તે પટનાનો પ્રેમ લફાયેત કોલેજમાં ચાર વર્ષ સુધી મિકેનિકલ એન્જિનિયરિંગ અને આંતરરાષ્ટ્રીય સંબંધોનો અભ્યાસ કરશે. 2.5 કરોડની સ્કોલરશીપ જીવન અને અભ્યાસના સમગ્ર ખર્ચને આવરી લેશે. આમાં ટ્યુશન ફી, રહેઠાણ, પુસ્તકો, આરોગ્ય વીમો, મુસાફરી ખર્ચનો સમાવેશ થાય છે.
પ્રેમ કુમારે જણાવ્યું કે, તેણે વર્ષ 2020માં ઉદાન ટોલા, દાનાપુરના એનજીઓ શોષિત સમાધાન કેન્દ્રમાંથી મેટ્રિક પાસ કર્યું છે. આ એનજીઓમાં મહાદલિત સમાજના બાળકો ભણે છે. અને તેથી જ તેણે 2022માં વિજ્ઞાનના ગણિતના પેપર સાથે ઇન્ટરની પરીક્ષા આપી છે. 14 વર્ષની ઉંમરે, પ્રેમ કુમારે પટનામાં જસપ્રીત ગ્લોબલ ઇન્સ્ટિટ્યૂટમાં જોડાઈને પોતાનો અભ્યાસ શરૂ કર્યો. આ ક્રમમાં, થોડા દિવસો પહેલા, તેને સંસ્થા તરફથી માહિતી મળી કે તે અમેરિકાની એક પ્રતિષ્ઠિત કોલેજમાં પસંદગી પામ્યો છે.
Trending News
પ્રેમ એપીજે અબ્દુલ કલામને પોતાના આદર્શ માને છે, તેમની પાંચ બહેનોમાં એકમાત્ર ભાઈ છે. તેમની માતા કલાવતી દેવીનું લગભગ 10 વર્ષ પહેલા અવસાન થયું હતું. ત્યારથી તેણે અભ્યાસને પોતાનું લક્ષ્ય બનાવ્યું. શિષ્યવૃત્તિ મેળવવા પર પ્રેમે કહ્યું, “મારા માતા-પિતા ક્યારેય શાળાએ જઈ શક્યા નથી. પિતા આજે પણ ખેતરમાં રોજીરોટી માટે દિનરાત મજૂરી કરે છે, આટલી મોટી તક મળે તે મારા માટે અવિશ્વસનીય છે!’
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
