November 28, 2024
કહેવાય છે કે, ડુંગળી વિના શાકભાજીની કલ્પના પણ કરી શકાતી નથી. આપણા દેશમાં ડુંગળીને ખુબ જ મહત્વ આપવામાં આવ્યું છે. આજકાલ તમામ લોકો તેનું સેવન કરી રહ્યા છે. ડુંગળીનો ઉપયોગ ઘણી બધી વસ્તુઓમાં થાય છે. કોઈપણ પ્રકારની ગ્રેવી બનાવવા માટે ડુંગળી ઉમેરવામાં આવે છે. જો કે ઉપરથી ડુંગળી ખાવાની આદત બહુ ઓછા લોકોને હોય છે.
હેલ્થ એક્સપર્ટના મતે ડુંગળી એક એવી વસ્તુ છે જેને રોજિંદા ડાયટમાં સામેલ કરીને ઘણી બીમારીઓથી બચી શકાય છે. લીંબુને ડુંગળી સાથે ભેળવીને ખાવામાં આવે તો તેનો ફાયદો બમણો થાય છે. ડુંગળીમાં એલિસિન જેવું સલ્ફર કમ્પાઉન્ડ જોવા મળે છે, જે શરીર માટે ફાયદાકારક છે. ડુંગળીને ફાઈબરનું પાવરહાઉસ પણ કહેવામાં આવે છે. ડુંગળી વજન ઘટાડવા માટે ફાયદાકારક માનવામાં આવે છે.
જો ડુંગળીમાં લીંબુ ઉમેરીને તેને સલાડની જેમ ખાવામાં આવે તો તેના ઘણા ફાયદા થાય છે. હોલિસ્ટિક લાઈફસ્ટાઈલ કોચ લ્યુક કોટિન્હોએ પોતાના ઈન્સ્ટાગ્રામ પેજ પર લીંબુ સાથે કાચી ડુંગળી મિક્સ કરીને ખાવાના ઘણા ફાયદા શેર કર્યા છે. તેમણે લોકોને સલાહ આપતા કહ્યું છે કે જમતા પહેલા તેનું સેવન કરવાથી તે ઘણી રીતે મદદરૂપ થાય છે.
Trending News
ડુંગળી અને લીંબુના ફાયદા: જમતા પહેલા ડુંગળીમાં લીંબુનો રસ ઉમેરવો એ એક ઉત્તમ સ્ટાર્ટર છે. ડુંગળી પાચનતંત્રને વેગ આપવાનું કામ કરે છે. અભ્યાસ અનુસાર, ડુંગળીમાં પ્રીબાયોટિક ઇન્યુલિન અને ફ્રુક્ટોલિગોસેકરાઇડ્સ હોય છે, જે પેટમાં સારા બેક્ટેરિયાને વધારવાનું કામ કરે છે. તેનાથી રોગપ્રતિકારક શક્તિ યોગ્ય રીતે કામ કરે છે. ડુંગળીને ઘણા સ્વરૂપોમાં ખાઈ શકાય છે. તેને સલાડ, ચટણી, ચાટ, વેજીટેબલ ગ્રેવીના રૂપમાં પણ ખાઈ શકાય છે. જો તમે ડુંગળી સાથે ટામેટાં મિક્સ કરીને કચુંબર બનાવો છો, તો તે વધુ સારું બને છે. ટામેટાંમાં લાઇકોપીન નામનું સંયોજન હોય છે જે ડુંગળીની સાથે ખોરાકને શોષવાની પ્રક્રિયામાં મદદ કરે છે.
આ લોકોએ કાચી ડુંગળી ન ખાવી જોઈએઃ ડુંગળી દરેક માટે ફાયદાકારક નથી હોતી. જેમને એસિડિટીની સમસ્યા હોય અથવા પેટ ફૂલવાની સમસ્યા હોય છે જેને ઇરિટેબલ બોવેલ સિન્ડ્રોમ હોય તેણે ડુંગળી ન ખાવી જોઈએ. આ તમારી સમસ્યાઓને વધારવાનું કામ કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.