બે માળની ઈમારતમાં ભીષણ આગ લાગતા 7 લોકોના દર્દનાક મોત- ‘ઓમ શાંતિ’

મધ્યપ્રદેશ(Madhya Pradesh)ના વેપારી શહેર ઈન્દોર(Indore)ની સ્વર્ણ બાગ કોલોની(Swarna Bagh Colony)માં લાગેલી ભીષણ આગ(Fire)માં સાત લોકોના દર્દનાક મોત નીપજ્યા હતા. કોલોનીમાં બે માળના મકાનમાં આગ ફાટી નીકળ્યા બાદ રાહત અને બચાવ ટીમે ત્યાંથી 9 લોકોને બચાવી લીધા છે. પ્રાથમિક માહિતી મુજબ જે મકાનમાં આગ લાગી તે અન્સાર પટેલનું ઘર છે.

#UPDATE | Seven people died in the fire that broke out in a two-storey building in Indore, Madhya Pradesh: Indore Police Commissioner Harinarayana Chari Mishra to ANI

Latest visuals from the spot. pic.twitter.com/E6wXhytkl3

— ANI MP/CG/Rajasthan (@ANI_MP_CG_RJ) May 7, 2022

ઘટનાની માહિતી મળ્યા બાદ પોલીસ કમિશનર હરિનારાયણ ચારી મિશ્રા સહિત અનેક અધિકારીઓ પોલીસ દળની સાથે ઘટનાસ્થળે હાજર છે. ઘટના શનિવારે સવારે 4:00 થી 5:00 વચ્ચેની જણાવવામાં આવી રહી છે. મૃતકોમાં બે મહિલાઓનો પણ સમાવેશ થાય છે.

વિજય નગર પોલીસ સ્ટેશનના ઈન્ચાર્જ તહઝીબ કાઝીના જણાવ્યા અનુસાર, આગથી પ્રભાવિત રહેણાંક મકાનમાંથી પાંચ લોકોને મૃત હાલતમાં બહાર કાઢવામાં આવ્યા હતા, જ્યારે અન્ય 11 લોકોને ઈજાગ્રસ્ત હાલતમાં હોસ્પિટલમાં મોકલવામાં આવ્યા હતા. તેમણે કહ્યું કે આગ ઈલેક્ટ્રિક મીટરમાં શોર્ટ સર્કિટને કારણે લાગી હતી અને તેણે પહેલા બિલ્ડિંગના પાર્કિંગમાં પાર્ક કરેલા વાહનોને ઝપેટમાં લીધા હતા.