ગુજરાતના આ સ્થળે પહેલીવાર 850 વર્ષ જુના નદીનાથ મહાદેવના થયા દર્શન- જુઓ દુર્લભ તસ્વીરો

મહિસાગર જિલ્લામાં કડાણા ડેમની જળ સપાટી કરતાં જ 850 વર્ષ જૂના શિવ મંદિર ના દર્શન થયા હતા. સ્થાનિકોએ ત્યાં જઈને પૂજા અર્ચના કરી હતી. કડાણા ડેમની જળ સપાટી ઉતરતા જ ગુફામાં નદીનાથ મહાદેવ ના દર્શન થયા હતા. પ્રાપ્ત થયેલી માહિતી અનુસાર આ વર્ષે જોઈએ એટલે પાણીની આવક થઇ નથી. અહીંયા વાત મહિસાગર જિલ્લાના સૌથી મોટા કડાણા ડેમની થઈ રહી છે. જુલાઈ મહિનો પૂરો થવા આવ્યો તેમ છતાં આ ડેમમાં પાણીની આવક નોંધાઈ નથી અને દિવસે ને દિવસે આ ડેમનું જળસ્તર ઘટવા લાગ્યું છે. પાણી ઉતરતા જ આ ડેમના હાર્દમાં ઐતિહાસિક 850 વર્ષ જૂના શિવ મંદિરના લોકોને દર્શન થયા છે.

મળતી માહિતી અનુસાર કડાણા ડેમ નું નિર્માણ થયું ત્યારે ઘણા વિસ્તારો જળમગ્ન થઈ ગયા હતા. આ વિસ્તારો પૈકી ગુફામાં આવેલું મંદિર હતું. લોકોનું કહેવું છે કે અહીંયા 850 વર્ષ જૂનું પૌરાણીક શિવલિંગ છે. જો આ ડેમમાં પાણી હોય ત્યારે આ શિવલિંગના દર્શન શક્ય નથી તેવું સ્થાનિક લોકોનું કહેવું છે.