May 22, 2025
accident on Mumbai Goa highway: મુંબઈથી ગોવા જતા હાઈવે પર એક ગમખ્વાર અકસ્માત સર્જાયો હોવાના અહેવાલ સામે આવ્યા છે. અહીં પૂરપાટ ગતિએ દોડતી એક કાર જગબુડી નદીમાં (accident on Mumbai Goa highway) ખાબકી ગઈ હતી જેના પગલે કારમાં સવાર પાંચ સભ્યોના કરુણ મોત નીપજ્યાં હતા.
માહિતી અનુસાર ડ્રાઈવરનો જીવ બચી ગયો હતો પરંતુ તેને પણ ગંભીર ઈજાઓ થઈ હતી અને તેને સારવાર અર્થે હોસ્પિટલ ખસેડવામાં આવ્યો છે. કારમાં સવાર તમામ લોકો મુંબઈથી દેવરુખ જઈ રહ્યા હતા. કાર અકસ્માતના ભયાનક દૃશ્યો પણ સામે આવ્યા છે. ક્રેઈનની મદદથી કારને નદીમાંથી બહાર કાઢવામાં આવી હતી. પોલીસે ઘટનાસ્થળે પહોંચી તમામ મૃતદેહો કબજે લઈને પોસ્ટમોર્ટમ માટે મોકલી આપ્યા હતા અને આ મામલે વધુ તપાસ હાથ ધરી હતી.
ઘાયલોને હોસ્પિટલમાં દાખલ કરવામાં આવ્યા
ઘટનાની માહિતી મળતા જ સ્થાનિક લોકોનું ટોળું એકઠું થઈ ગયું અને તેમણે તાત્કાલિક પોલીસને આ બાબતની જાણ કરી. પોલીસ ઘટનાસ્થળે પહોંચી અને ઘાયલોને સારવાર માટે હોસ્પિટલમાં દાખલ કર્યા. તેમજ મૃતદેહોને કસ્ટડીમાં લઈ પોસ્ટમોર્ટમ માટે મોકલવામાં આવ્યા.
આ પહેલા, 28 એપ્રિલના રોજ, મહારાષ્ટ્રના ભંડારામાં એક માર્ગ અકસ્માત પ્રકાશમાં આવ્યો હતો, જેમાં ચાર લોકોના મોત થયા હતા. જ્યારે એક વ્યક્તિ ગંભીર રીતે ઘાયલ થયો હતો.
Trending News
આ ભયાનક અકસ્માત મુંબઈ-કોલકાતા રાષ્ટ્રીય ધોરીમાર્ગ પર સ્થિત ભંડારા શહેર નજીક બેલા ગામમાં થયો હતો. એક બોલેરો કાર રાયપુરથી નાગપુર જઈ રહી હતી. જ્યારે કાર બેલા ગામ નજીક પહોંચી ત્યારે નાગપુર તરફથી આવી રહેલા એક ઝડપી ટ્રકે તેને ટક્કર મારી હતી. અકસ્માત સમયે કારમાં પાંચ લોકો હતા, જેમાંથી ચાર લોકોના મોત થયા હતા. તે જ સમયે, ડ્રાઇવરને ગંભીર ઈજા થઈ હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App