November 15, 2024
In Delhi, a man fell 3-km on the bonnet: રાજધાની દિલ્હીમાં ગઈકાલે રાત્રે એક ચોંકાવનારો કિસ્સો સામે આવ્યો છે. રવિવારે રાત્રે લગભગ 11 વાગ્યાના અરસામાં આશ્રમ ચોકથી નિઝામુદ્દીન દરગાહ તરફ આવી રહેલી એક કાર બોનેટ પર લટકેલી વ્યક્તિ સાથે લગભગ 2-3 કિલોમીટર સુધી આગળ વધી રહી હતી. આ પછી દિલ્હી પોલીસે આરોપીની કારનો પીછો કર્યો અને બોનેટ પર લટકેલા વ્યક્તિનો જીવ બચાવ્યો. તેનો વીડિયો પણ સોશિયલ મીડિયા પર વાયરલ થઈ રહ્યો છે.
પોલીસના જણાવ્યા અનુસાર આ કાર બિહારના લોકસભા સાંસદ ચંદન સિંહની હોવાનું કહેવાય છે.અકસ્માત સમયે સાંસદ વાહનમાં હાજર ન હતા, ડ્રાઈવર વાહન ચલાવી રહ્યો હતો. પોલીસે બેદરકારીપૂર્વક વાહન ચલાવવાનો ગુનો નોંધ્યો છે.
#WATCH | Delhi: At around 11 pm last night, a car coming from Ashram Chowk to Nizamuddin Dargah drove for around 2-3 kilometres with a person hanging on the bonnet. pic.twitter.com/54dOCqxWTh
— ANI (@ANI) May 1, 2023
Trending News
પીડિતની ઓળખ ચેતન તરીકે થઈ છે, જે કેબ ડ્રાઈવર છે. ચેતને કહ્યું, ‘હું ડ્રાઈવર તરીકે કામ કરું છું, એક પેસેન્જરને છોડીને પાછો ફરી રહ્યો હતો. જ્યારે હું આશ્રમ પાસે પહોંચ્યો ત્યારે એક કારે મારી કારને ત્રણ વાર આછું ટક્કર મારી. પછી હું મારી કારમાંથી બહાર આવ્યો અને તેની કારની સામે ઉભો રહ્યો. તે પછી તેણે (આરોપી) કાર સ્ટાર્ટ કરી અને હું કારના બોનેટ પર લટકતો હતો.
પીડિતાએ કહ્યું, ‘હું આશ્રમ ચોકથી નિઝામુદ્દીન સુધી કારના બોનેટ પર લટકતો રહો. હું તેને રોકાવાનું કહેતો રહ્યો, પણ તે અટક્યો નહીં. તે વ્યક્તિ નશામાં હતો. રસ્તામાં મેં જોયું કે એક પીસીઆર પાર્ક કરેલું હતું અને તેમાં બેઠેલા પોલીસકર્મીઓએ કારમાં અમારો પીછો કર્યો અને થોડી વારમાં આરોપીઓને રોક્યા.
બીજી તરફ આરોપી ડ્રાઈવર રામચંદ કુમારે કહ્યું કે, ‘તેઓએ અમારી સાથે બળજબરી કરી છે. મારી કારને તેની કાર સાથે અથડાની પણ ન હતી, તમે બંને વાહનો ને જોઈ લયો, જો કારને સહેજ પણ અકસ્માત થાય તો હું મારી જાતને દોષી ઠેરવીશ. તેઓએ બળજબરીથી અમારી કાર રોકી. હું કાર ચલાવી રહ્યો હતો અને તેણે બળપૂર્વક મારી કારના બોનેટ પર કૂદકો માર્યો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.