November 18, 2024
રશિયા: મજાક કેટલી ભારે હોઈ શકે છે તેનો અંદાજ રશિયામાં બનેલી ઘટના પરથી લગાવી શકાય છે. અહીં એક વ્યક્તિ ડરાવવાના પ્રયાસમાં 50 ફૂટથી નીચે પડી ગયો હતો. આ વ્યક્તિને ગંભીર હાલતમાં હોસ્પિટલમાં દાખલ કરવામાં આવ્યો છે અને ડોક્ટરોના કહેવા મુજબ તે કોમામાં છે. પોલીસ આ મામલે અન્ય વ્યક્તિની પૂછપરછ કરી રહી છે. જોકે, તેણે નિર્દોષ હોવાની કેફિયત કરી છે.
મળતી માહિતી અનુસાર, આ ઘટના રશિયાના કોગલિમમાં બની હતી. જ્યારે બે વ્યક્તિઓ બિલ્ડિંગના છઠ્ઠા માળે પાર્ટી કરી રહ્યા હતા. પાર્ટી દરમિયાન, 26 વર્ષીય વ્યક્તિ બારી પાસે તાજી હવા મેળવવા માટે ઉભો રહ્યો હતો, જ્યારે અન્ય 56 વર્ષીય વ્યક્તિએ મજાકમાં તેને ડરાવવાનો પ્રયાસ કર્યો હતો. આ પ્રયાસ તેને ભારે પડ્યો હતો અને બારી પર ઉભેલો માણસ સીધો 50 ફૂટ નીચે પડી ગયો હતો.
ખરેખર, વૃદ્ધ વ્યક્તિએ પાછળથી અન્ય વ્યક્તિને ધક્કો મારવાનો નાટક કર્યો હતો, પરંતુ બાલકનીના બારી પર ઉભેલા વ્યક્તિનું સંતુલન ખોરવાઈ ગયું હતું. તેની બાલકની રેલિંગ પકડવાનો પ્રયત્ન કર્યો હતો, પરંતુ તે સફળ રહ્યો ન હતો. પહેલા તે નીચલા ફ્લોર પર સ્થાપિત એરકન્ડિશનર સાથે ટકરાયો અને પછી સીધો જમીન પર પડ્યો હતો. ગંભીર રીતે ઘાયલ વ્યક્તિને તાત્કાલિક હોસ્પિટલમાં ખસેડવામાં આવ્યો હતો. ડોક્ટરોનું કહેવું છે કે, આ વ્યક્તિ ઉંડી ઈજાઓના કારણે કોમામાં ગયો છે અને હાલ કંઈ કહેવું મુશ્કેલ છે.
Trending News
તે જ સમયે, 56 વર્ષીય વ્યક્તિ કહે છે કે, તે નિર્દોષ છે, તેણે ઇરાદાપૂર્વક દબાણ કર્યું નથી. આ સમગ્ર ઘટના કેમેરામાં કેદ થઈ ગઈ છે. ફૂટેજના આધારે પોલીસ એ જાણવાનો પ્રયાસ કરી રહી છે કે ખરેખર આ અકસ્માત હતો કે કોમામાં રહેલી વ્યક્તિને કાવતરા હેઠળ ધકેલી દેવામાં આવી હતી. પોલીસના જણાવ્યા અનુસાર, આ ઘટના બની ત્યારે બંને મિત્રો દારૂના નશામાં હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.