સુપ્રીમ કોર્ટે આ ખાસ સમાજે આંદોલન કરીને મેળવેલી અનામત રદ કરી દીધી- જાણીને લાગશે જટકો

અનામત રદ્દ: અનામતને લઇને દેશમાં અનેક પ્રકારની રેલીઓ અને તોફાનો થયા છે. ગુજરાતમાં પણ અનામત આંદોલન થઇ ચુક્યું છે. ત્યારે મહારાષ્ટ્રમાં સમય અગાઉ મરાઠાઓને અનામત આપવામાં આવી હતી પરંતુ સુપ્રીમ કોર્ટ દ્વારા બુધવારે મહારાષ્ટ્રમાં મરાઠા અનામતને રદ કરી દેવામાં આવી છે.

આ મામલે સુપ્રીમ કોર્ટે ટિપ્પણી કરતા કહ્યું છે કે, મરાઠા અનામત 50 ટકાથી વધુ ન હોઈ શકે. આ સમાનતાનું ઉલ્લંઘન કરે છે. સુપ્રીમ કોર્ટે અનામતની સીમા 50 ટકા પર નક્કી કરવાના 1992ના મંડલ નિર્ણયને બેન્ચની પાસે મોકલવાનો ઇન્કાર કરી દીધો. સાથોસાથ કોર્ટે સરકારી નોકરીઓ અને એડમીશનમાં મરાઠા સમુદાયને અનામત આપવા સંબંધી મહારાષ્ટ્રના કાયદાને રદ કરતાં તેને ગેરબંધારણીય કરાર કર્યો.

વધુમાં સુપ્રીમ કોર્ટે કહ્યું કે ઈન્દિરા સાહનીના કેસમાં બીજી વખત વિચાર કરવાની જરૂર નથી. મહારાષ્ટ્રમાં કોઈ ઈમરજન્સીની સ્થિતિ ન હતી કે મરાઠા આરક્ષણ જરૂરી બની જાય. આ સિવાય કોર્ટે નોંધ્યું કે અત્યાર સુધી મરાઠા આરક્ષણથી મળેલી નોકરીઓ અને એડમિશન યથાવત રહેશે, જોકે આગળ આરક્ષણ મળશે નહિ.

તમને જણાવી દઈએ કે, 26 માર્ચે મરાઠા અનામત વિરુદ્ધ થયેલ અરજી પર 10 દિવસની મેરેથોન સુનાવણી બાદ સુપ્રીમ કોર્ટના બંધારણીય બેંચ દ્વારા નિર્ણય અનામત રાખવામાં આવ્યો હતો. સુપ્રીમ કોર્ટે કહ્યું કે તે ચકાસણી કરશે કે રાજ્યો 50 ટકાથી વધુ અનામત આપી શકે છે કે નહીં. શું 1992 માં આપવામાં આવેલા ઇન્દિરા સાહની ચુકાદા પર ફરીથી વિચાર કરવાની જરૂર છે? શું ઇન્દિરા સાહની જજમેન્ટને મોટી બેંચમાં મોકલવાની જરૂર છે કે નહીં? ઇન્દિરા સહોની જજમેન્ટમાં અનામત માટે 50 ટકાની મર્યાદા નક્કી કરવામાં આવી છે.