નાનું એવું યુક્રેન રશિયાને આપી રહ્યું છે જોરદાર ટક્કર: હવે ચીનના શરણમાં ગયા પુતિન, ડ્રેગન પાસે માંગી આ ખાસ મદદ

રશિયા-યુક્રેન યુદ્ધ(Russia-Ukraine War): યુક્રેન(Ukraine) પર રશિયા(Russia)નો હુમલો ચાલુ છે. ચાલી રહેલા યુદ્ધની વચ્ચે એક સવાલ ઉઠવા લાગ્યો છે કે, શું યુક્રેન રશિયાને પછાડવા લાગ્યું છે? આવું એટલા માટે કહેવામાં આવી રહ્યું છે કારણ કે રશિયાને યુદ્ધમાં ચીન(China)ની મદદની જરૂર હતી. વાસ્તવમાં, યુક્રેન સાથે ચાલી રહેલા યુદ્ધ વચ્ચે રશિયાએ મદદ તરીકે ચીન પાસેથી સૈન્ય ઉપકરણોની માંગ કરી છે. મીડિયા રિપોર્ટ્સ અનુસાર, અમેરિકાના એક વરિષ્ઠ સૈન્ય અધિકારી દ્વારા દાવો કરવામાં આવ્યો છે કે, રશિયાએ ચીન પાસેથી સૈન્યના અલ્વા ડ્રોનની મદદ પણ માંગી છે.

રશિયા પાસેથી આ મદદ એવા સમયે માંગવામાં આવી છે જ્યારે ચીનને અમેરિકા દ્વારા સીધી ધમકી આપવામાં આવી છે. વાસ્તવમાં અમેરિકાએ રવિવારે ચીનને ચેતવણી આપી હતી. આ અંતર્ગત એવું કહેવામાં આવ્યું હતું કે જો ચીન આર્થિક પ્રતિબંધોનો સામનો કરી રહેલા રશિયાની મદદ માટે આગળ આવે છે તો તેના ખરાબ પરિણામો પણ ભોગવવા પડશે. એવું કહેવામાં આવી રહ્યું છે કે નાણાકીય પ્રતિબંધો બાદ રશિયા આર્થિક રીતે કમજોર થઈ રહ્યું છે અને તેથી તેને ચીન જવું પડ્યું. તમને જણાવી દઈએ કે અમેરિકા સહિત ઘણા મોટા દેશોએ રશિયન બેંકો પર પ્રતિબંધો લગાવ્યા છે. એટલું જ નહીં ઘણી મોટી કંપનીઓએ રશિયામાં પોતાની સર્વિસ પણ બંધ કરી દીધી છે.

આવી કોઈ માહિતી નથી: યુ.એસ.માં ચીની એમ્બેસી
યુ.એસ.ની રાજધાની વોશિંગ્ટનમાં ચીની દૂતાવાસના પ્રવક્તા લિયુ પેંગ્યુએ કહ્યું કે, તેઓ રશિયા પાસેથી મદદ માંગી રહ્યા છે તેની જાણ નથી. તેમને ખ્યાલ નથી કે ચીન રશિયાને મદદ કરવા પણ તૈયાર થઈ શકે છે. જો કે, પેંગ્યુએ યુક્રેનની વર્તમાન સ્થિતિ અંગે ચિંતા વ્યક્ત કરી અને કહ્યું કે ચીને યુક્રેનને માનવતાવાદી સહાય આપવાનું ચાલુ રાખ્યું છે અને કરતું રહેશે. પેંગ્યુએ કહ્યું કે અત્યારે અમારી ઉચ્ચ પ્રાથમિકતા તણાવપૂર્ણ પરિસ્થિતિને વધતી અટકાવવાની છે. ચીન સંયમ સાથે મોટા પાયે માનવીય સંકટને રોકવાના પક્ષમાં છે.

રશિયા અને યુક્રેન વચ્ચે સમાધાનનો કોઈ રસ્તો નથી
રશિયા અને યુક્રેન વચ્ચેના યુદ્ધનો આજે 19મો દિવસ છે. બંને દેશો વચ્ચે સમાધાનનો કોઈ રસ્તો દેખાતો નથી. દરમિયાન એવા સમાચાર છે કે રશિયા અને યુક્રેન વચ્ચે ચોથા રાઉન્ડની વાતચીત એકથી બે દિવસમાં થઈ શકે છે. દરમિયાન, યુક્રેન પર રશિયાના હુમલાઓ વધુ તીવ્ર બન્યા છે. યુક્રેનના 24 શહેરોને નિશાન બનાવવામાં આવી રહ્યા છે. તેમાંથી 19માં રેડ એલર્ટ જારી કરવામાં આવ્યું છે. રશિયા અહીં સતત બોમ્બ વરસાવી રહ્યું છે.