મોદી સરકારે પેટ્રોલના ભાવ ઘટાડવા બનાવ્યો માસ્ટર પ્લાન: જાણો કઈ તારીખથી જનતાને મળશે ફાયદો

તાજેતરમાં મોદી સરકાર પેટ્રોલ(Petrol)ના ભાવ ઘટાડવા માટે સતત કામ કરી રહી છે. આ દરમિયાન ગુરુવારે કેન્દ્રની નરેન્દ્ર મોદી(Narendra Modi) સરકારે એક મોટો નિર્ણય લીધો છે. મોદી સરકારે ઇથેનોલ બ્લેન્ડેડ પેટ્રોલ (EBP) પ્રોગ્રામ હેઠળ બ્લેન્ડિંગ માટે વપરાતા ઇથેનોલ(Ethanol) માટેનો GST દર 18 ટકાથી ઘટાડીને 5 ટકા કર્યો છે. EBP પ્રોગ્રામ હેઠળ, પેટ્રોલમાં ઇથેનોલ મિશ્રિત થાય છે.

પેટ્રોલિયમ અને કુદરતી ગેસ રાજ્ય મંત્રી રામેશ્વર તેલીએ ગુરુવારે લોકસભામાં એક પ્રશ્નના લેખિત જવાબમાં જણાવ્યું હતું કે, સરકારે ઇથેનોલ મિશ્રણને પ્રોત્સાહન આપવા માટે ગુડ્સ એન્ડ સર્વિસ ટેક્સ (જીએસટી)ના દર ઘટાડીને 5 ટકા કર્યો છે. ઇથેનોલ બ્લેન્ડેડ પેટ્રોલ પ્રોગ્રામ હેઠળ ઇથેનોલને 18 ટકાથી ઘટાડીને 5 ટકા કરવામાં આવ્યું છે. હકીકતમાં, દેશમાં પેટ્રોલની વધતી કિંમતો વચ્ચે કેન્દ્ર સરકારે આ મોટો નિર્ણય લીધો છે. આ પછી હવે ઇથેનોલ પર માત્ર 5% GST લાગશે. વર્ષ 2018માં ઓઈલ માર્કેટિંગ કંપનીઓ દ્વારા ઈથેનોલની ખરીદીમાં પણ વધારો થયો છે.

શેરડી આધારિત ફીડસ્ટોક્સ જેવા કે C&B હેવી મોલાસીસ, શેરડીનો રસ, ખાંડ, ખાંડની ચાસણીમાંથી ઉત્પાદિત ઇથેનોલની ખરીદીની કિંમત સરકાર અને જાહેર ક્ષેત્રની ઓઇલ માર્કેટિંગ કંપનીઓ દ્વારા વાર્ષિક ધોરણે ખાદ્ય અનાજ આધારિત ફીડસ્ટોક્સમાંથી નક્કી કરવામાં આવે છે.

આ ઉપરાંત, અનાજ-આધારિત ફીડસ્ટોકમાંથી ઉત્પાદિત ઇથેનોલની ખરીદી કિંમત જાહેર ક્ષેત્રની માર્કેટિંગ કંપનીઓ દ્વારા વાર્ષિક ધોરણે નક્કી કરવામાં આવે છે. દેશમાં ખાંડના ઉત્પાદનને મર્યાદિત કરવા અને ઇથેનોલનું સ્થાનિક ઉત્પાદન વધારવા માટે સરકારે ઇથેનોલ ઉત્પાદન માટે ભારે દાળ, શેરડીનો રસ, ખાંડ અને ખાંડની ચાસણીને બદલવાની મંજૂરી આપવા સહિત અનેક પગલાં લીધાં છે.