November 24, 2024
Haj Yatra 2024: વિશ્વભરમાંથી હજ યાત્રા પર સાઉદી અરેબિયા ગયેલા ઓછામાં ઓછા 550 યાત્રીઓનાં મોત થયાં હોવાના સમાચારથી લોકોમાં ભયમાં ઉભો કર્યો છે. આ મૃત્યુનું કારણ ભારે ગરમી હોવાનું સામે આવ્યું છે. વધારે પડતી ગરમીના કારણે યાત્રીઓના મોત થયા છે. એક અહેવાલો અનુસાર, કુલ મૃત્યુઆંક 577 પર પહોંચી ગયો છે. મક્કાના સૌથી મોટા શબઘરોમાંના એક અલ-મુઆસિમ(Haj Yatra 2024) શબઘરમાં કુલ 550 મૃત્યુની પુષ્ટિ કરવામાં આવી હતી.
બે આરબ રાજદ્વારીઓએ એએફપીને જણાવ્યું હતું કે મૃતકોમાં ઓછામાં ઓછા 323 ઇજિપ્તવાસીઓ હતા, જેમાંથી મોટાભાગના લોકો ગરમી સંબંધિત બીમારીઓને કારણે મૃત્યુ પામ્યા હતા. એક રાજદ્વારીએ જણાવ્યું હતું કે ‘બધા ઇજિપ્તવાસીઓ ગરમીથી મૃત્યુ પામ્યા હતા’. એએફપીએ જણાવ્યું કે વિવિધ દેશોના કુલ મૃત્યુઆંક 577 પર પહોંચી ગયો છે. રાજદ્વારીઓએ જણાવ્યું હતું કે ઓછામાં ઓછા 60 જોર્ડનિયન નાગરિકો મૃત્યુ પામ્યા હતા. જ્યારે અમ્માન દ્વારા મંગળવારે આપવામાં આવેલ સત્તાવાર સંખ્યા 41 હતી.
સાઉદી અરેબિયામાં રસ્તાના કિનારે પડેલા મૃતદેહો મળ્યા
હજ એ મુસલમાનોનું એક પવિત્ર સ્થળ છે. હજ એ ઇસ્લામના પાંચ સ્તંભોમાંથી એક છે અને બધા મુસ્લિમોએ તેને ઓછામાં ઓછું એકવાર પૂર્ણ કરવું જોઈએ. પરંતુ આ વખતે મક્કામાં ભારે ગરમી છે, જેના કારણે વિશ્વભરમાંથી હજ કરવા જતા હજયાત્રીઓ મોટી સંખ્યામાં મૃત્યુ પામી રહ્યા છે. મંગળવારે સોશિયલ મીડિયા પર એક વીડિયો શેર કરવામાં આવ્યો હતો, જેમાં સ્પષ્ટ જોઈ શકાય છે કે રસ્તાઓ અને ડિવાઈડર પર ઘણા મૃતદેહો પડ્યા છે. ઘણા લોકોની હાલત અત્યંત ખરાબ છે અને એમ્બ્યુલન્સ ઉપલબ્ધ નથી.
Trending News
રવિવારથી બીમાર લોકોનો ડેટા અપડેટ કરવામાં આવ્યો નથી,
સાઉદી નેશનલ મેટોરોલોજીકલ સેન્ટરે જણાવ્યું હતું કે સોમવારે મક્કાની ગ્રાન્ડ મસ્જિદમાં તાપમાન 51.8 ડિગ્રી સેલ્સિયસ (125 ફેરનહીટ) પર પહોંચી ગયું હતું. સાઉદી અધિકારીઓએ જણાવ્યું છે કે ગરમીથી પીડિત 2,000 થી વધુ હજયાત્રીઓની સારવાર કરવામાં આવી છે. પરંતુ રવિવારથી આંકડા અપડેટ કરવામાં આવ્યા નથી, જેના કારણે મૃત્યુ અને બીમાર લોકોની સંખ્યા વધુ હોઈ શકે તેવી અટકળો તરફ દોરી જાય છે. ગયા વર્ષે, વિવિધ દેશોએ ઓછામાં ઓછા 240 યાત્રાળુઓના મૃત્યુની જાણ કરી હતી, જેમાંથી મોટાભાગના ઇન્ડોનેશિયન હતા.
યાત્રાળુઓ તેમના માથા પર પાણી રેડતા
AFP પત્રકારોએ મક્કાની બહાર સોમવારે યાત્રાળુઓને તેમના માથા પર પાણીની બોટલો રેડતા જોયા. બીજી તરફ, સ્વયંસેવકો ઠંડા પીણા અને ઝડપથી ઓગળતી ચોકલેટ આઈસ્ક્રીમનું વિતરણ કરી રહ્યા હતા જેથી તેઓ ગરમીથી બચી શકે. સાઉદીની સરકારએ યાત્રાળુઓને છત્રીનો ઉપયોગ કરવા, પુષ્કળ પાણી પીવા અને દિવસના સૌથી ગરમ કલાકોમાં સૂર્યના સંપર્કમાં આવવાનું ટાળવાની સલાહ આપી છે.
નોંધણી વગર પહોંચેલા યાત્રાળુઓ
કેટલાક યાત્રાળુઓએ જણાવ્યું કે તેઓએ રસ્તાના કિનારે ઘણા મૃતદેહો પડેલા જોયા. સાઉદીમાં એમ્બ્યુલન્સ સેવાઓ પડી ભાંગી છે. સાઉદી અધિકારીઓના જણાવ્યા અનુસાર આ વખતે લગભગ 1.8 મિલિયન હજયાત્રીઓએ હજમાં ભાગ લીધો છે. તેમાંથી 1.6 મિલિયન વિદેશી નાગરિકો છે. સાઉદી અધિકારીઓએ કહ્યું કે ખર્ચથી બચવા માટે ઘણા વિદેશીઓ હજ વિઝા વિના હજ યાત્રા કરવા આવ્યા છે, જેના કારણે સિસ્ટમ પડી ભાંગી છે. તેઓને હજ યાત્રા માટે સુવિધાઓ મળી શકતી નથી, તેથી તેઓ મૃત્યુ પામી રહ્યા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App