November 18, 2024
મધ્યપ્રદેશ (Madhya Pradesh)ના ખંડવા (Khandva) જિલ્લામાં ભિક્ષા માંગી રહેલા સાધુને માર મારવાનો મામલો સામે આવતા ચારેબાજુ ચકચાર મચી ગયો છે. આ ઘટનાનો વીડિયો પણ સોશિયલ મીડિયા પર વાયરલ થયો છે. આરોપીએ સાધુને અપશબ્દો બોલી થપ્પડ મારી હતી અને ત્યારબાદ સાધુજીના વાળ પણ બળજબરીથી કાપી નાખ્યા હતા. આ કેસમાં પોલીસે આરોપીને કસ્ટડીમાં લીધો છે.
આ ઘટના આદિવાસી બહુલ બ્લોક ખાલવા પોલીસ સ્ટેશન વિસ્તારના પતાજન શહેરની છે. રવિવારે બપોરે એક યુવકે ભિક્ષા માગતા સાધુને પકડીને માર મારવાનું શરૂ કર્યું હતું. ત્યારબાદ તેને માર મારતા તે ભિખારીને રસ્તાની બાજુના એક સલૂનમાં લઈ ગયો અને ત્યાં કાતર વડે તેના વાળ કાપી નાખ્યા. આરોપીનું નામ પ્રવીણ ગૌર જણાવવામાં આવી રહ્યું છે. તે કથિત રીતે હોટલ ઓપરેટરનો પુત્ર છે.
View this post on Instagram
Trending News
લોકો વીડિયો રેકોર્ડ કરતા રહ્યા…
ઘટના સમયે ઘણા લોકો હાજર હતા, પરંતુ આરોપીઓને કોઈ રોકી શક્યું ન હતું. પ્રત્યક્ષદર્શીઓએ ચોક્કસપણે આ ઘટનાને મોબાઈલમાં કેદ કરી લીધી, પરંતુ કોઈ તેને બચાવવા આગળ આવ્યા નહિ. ત્યારબાદ આ વીડિયો સોશિયલ મીડિયા પર વાયરલ થઈ રહ્યો છે.
વિડીયો વાયરલ થતા પોલીસે લીધી નોંધ
સાધુ કોણ હતા? તેની સાથે આ વિવાદ શા માટે થયો? તેને માર મારવા અને વાળ કાપવા પાછળનું કારણ શું હતું? હાલમાં, આ પ્રશ્નોના જવાબો મળ્યા નથી. પરંતુ વીડિયો વાયરલ થયા બાદ પોલીસે સમગ્ર ઘટનાની નોંધ લીધી હતી.
આરોપીની ધરપકડ, સાધુની શોધ
જિલ્લા એસપી વિવેક સિંહે કહ્યું કે ફરિયાદની અરજી મળી નથી, પરંતુ વીડિયોના આધારે પોલીસે કેસ નોંધ્યો છે અને આરોપી યુવકને કસ્ટડીમાં લીધો છે. તેની પૂછપરછ ચાલી રહી છે. સાથે જ પીડિત સાધુને પણ શોધવાના પ્રયાસો કરવામાં આવી રહ્યા છે. પોલીસનું કહેવું છે કે આ મામલે યોગ્ય કાર્યવાહી કરવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.